بسم الله الرحمن الرحيم
اللهم ارحمه واغفر له العمدة محمد بيناوي الحاج
نموذج: رثاء العمدة / محمد بيناوي الحاج عمدة عمودية عتمور بدار الرباطاب بالسودان.
من أبناء البينين - في امكي بدارالرباطاب بمحلية أبوحمد بولاية نهر النيل بالسودان.
⚫⚫⚫⚫⚫⚫⚫⚫⚫⚫⚫⚫⚫⚫⚫⚫
🔴
مدونةالدكتور/ابراهيم عثمان سعيدعبدالحليم.من أبناء شعب الرباطاب - منطقة عيال الوسطى. الوحدة الإدارية الشريك بمحلية أبوحمد بولاية نهر النيل بالسودان.
السلسلة التوثيقية: من أدب الرثاء- المناحات- في السودان
((( المدونة إلكترونية سودانية توثيقية شاملة المحتوى ))).
🔴
ردودخاصة على استفسارات مجموعةمن متابعي المدونة من داخل و خارج السودان و المهتمين بجمع عينات لنماذج من الفنون و التراث و من أدب الرثاء خاصة و من الأدب الشعبي السوداني عامة.وشكرا لتواصلكم معنا.و الله الموفق.
🔴
المدون: د. ابراهيم عثمان سعيد عبد الحليم.
الموقع الإلكتروني للدخول مباشرة للمدونة اضغط هنا👇👇
atmoorsudan.blogspot.com
⚫⚫⚫⚫⚫⚫⚫⚫⚫⚫⚫⚫⚫⚫⚫⚫
رثاءالراحل العمدةمحمد بيناوي الحاج -للشاعرمصطفى الحاج
مدونة الدكتور/ ابراهيم عثمان سعيد عبد الحليم
مدونة عتمور عيال الوسطى في دار الرباطاب بالسودان
⚫نموذج رثاء العمدة محمد بيناوي الحاج
⚫( العمدة ود بيناوي ) عمدة عمودية عتمور بدار الرباطاب
⚫ قصيدة شاعر عتمور و الرباطاب مصطفى الحاج موسى
⚫المصدر: كتاب من الأدب الشعبي بمنطقة الرباطاب بالسودان المؤلف: د. ابراهيم عثمان سعيد عبد الحليم
-اللهم ارحمه و اغفر له المرحوم العمدة محمد بيناوي الحاج عمدة عمودية عتمور بدار الرباطاب بالسودان )..
اللهم ادخله جنة الرضوان. و إنا لله و إنا إليه راجعون.
الموقع الإلكتروني:atmoorsudan.blogspot.com
⚫
المرحوم العمدة محمد بيناوي الحاج ( عمدة عمودية عتمور بدار الرباطاب).
من أبناء البينين - امكي - بدار الرباطاب بمحلية أبو حمد بولاية نهر النيل بالسودان.
⚫ أدناه نص قصيدة رثاء العمدة محمد بيناوي الحاج
⚫ شاعر القصيدة : مصطفى الحاج موسى .
قصيدة رثاء العمدة محمد بيناوي الحاج (1)
رثاء العمدة/ محمد ود بيناوي
عمدة عمودية عتمور بدار الرباطاب بالسودان
لشاعر الرباطاب/ مصطفى الحاج موسى
كم حليت مشاكل و كم سترت عيوب
خربانة العبوس يا أب أحمد(2) الحبوب
كل الكان عديل الليله صار مقلوب
و الزول ما بيفوت الفي الأزل مكتوب
الليله الحديث يا دوب خرب يا دوب
ما دام المحنك وسدوهو الطوب
atmoorsudan.blogspot.com
يا قمر السبوع ليه غبت من واديك
يا أب عاشه الهمام طال اشتياقنا عليك
بكت عتمور قبال أمكي ما تبكيك
تمامة الشوره يا الكان اعتمادنا عليك
ناصع بالبياض واضح كتاب ماضيك
ما حامت شكوك من يومك التبيت
atmoorsudan.blogspot.com
أب آمنه العليك طاردين ضيوف الليل
أب كفا خريف حاشاهو ماهو بخيل
ثابت قلبو أثبت من جبل توتيل
بارز في الرجال في الحكمه باعو طويل
ما. سوا الزرايب شتلو باقي سبيل
مصوبر في الدرب منو العشامه تكيل
atmoorsudan.blogspot.com
طيب السمعه اسمك ما ذكر بي شين
سيد الكلمه في ساعة العمد جالسين
منزلة الضيوف يا عاوج الدربين
اتقفل الدرب(3) يا دوبو للبينين
دخري الحوبه في ساعة الرجاله تبين
القوي و الضعيف قدامو متساوين
atmoorsudan.blogspot.com
أب رايا سديد كان للرجال هداي
سلالة ود نصر(4)كان للضعيف تاتاى
ديل أهل الحراته الكمل السراى
توريقهم يصن طول الوكت صحاى
أجاويد البلد أهل الفكر و الراى
خلاص الطوف غرق واتكسر العداى
(1) العمدة ودبيناوي - اللهم ارحمه وادخله جنة الرضوان - عمدة عمودية عتمور بدار الرباطاب بمحافظة أبو حمد بولاية نهر النيل بالإقليم الشمالي بالسودان. معروف بالشهامة و الكرم و الحكمة والرأي السديد،مقيم في البينين بأمكي بدار الرباطاب.
(2) أب أحمد: أحمد ود العمدة، أحد أبناء العمدة ود بيناوي، و هو أستاذي وأستاذ الجيل أحمد محمد بيناوي، ناظر مدرسة أمكي الأم، تتلمذ على يديه الكثير من أبناء منطقة الرباطاب بالسودان، وخاصة أبناء منطقتي أمكي وعتمور، فجزاه الله عنا خير الجزاء.
(3) الدربين: يقصد بالدربين في دار الرباطاب بالسودان (الدرب الفوق وهو درب الشارع طريق العربات- السيارات -) و (الدرب التحت و هو درب الحمير ). وهكذا موقعهما في التخطيط العمراني لقرى دار الرباطاب بالسودان: درب الشارع ثم أرض السواقي ثم درب الحمير ثم المساكن ونهر النيل.
(4) ومن سلالة العمد في عمودية عتمور بدار الرباطاب بالسودان على سبيل المثال: العمدة الحاج محمد نصر بيناوي والعمدة بيناوي محمد فرنيب والعمدة صلاح ود رباط .. وغيرهم.
الموقع الإلكتروني:atmoorsudan.blogspot.com
..............................................................................
⚫المدون: د. ابراهيم عثمان سعيد عبد الحليم
مدونة الدكتور/ ابرهيم عثمان سعيد عبد الحليم
مدونة عتمور عيال الوسطى في دار الرباطاب بالسودان
الموقع الإلكتروني للدخول مباشرة للمدونة اضغط هنا👇👇
atmoorsudan.blogspot.com
⚫⚫⚫⚫⚫⚫⚫⚫⚫⚫⚫⚫⚫⚫⚫⚫
ليست هناك تعليقات:
إرسال تعليق