بسم الله الرحمن الرحيم
اللهم ارحمه واغفر له محمد علي مصطفى المياسي
نموذج:
(رثاء الحاج/ محمد علي مصطفى المياسي(امحمد ود علي) 🔴
الحاج / محمد علي مصطفى المياسي - مآثر و مناقب -
- من أعيان الرباطاب بالسودان.
- من أبناء عتمور شرق ( ام غدي ) في دارالرباطاب بمحلية
أبوحمد بولاية نهر النيل بالسودان.
- باعث نهضة ام غدي الحديثة.
- عميد المزارعين بدار الرباطاب بالسودان.
- صاحب مشروع زراعي رائد في ام غدي عتمور شرق.
و ادخل الزراعة البستانية - زراعة الخضر و الفاكهة
في مزرعته الخاصة ( جنينة امحمد ود علي بام غدي) .
و استحدث نظام الميكنة الزراعية في مشروعه الزراعي.
و نال مشروعه الزراعي بام غدي جائزة التميز على مستوى المديرية الشمالية وقتذاك في الستينيات .
-بنى اول مسجدفي ام غدي الحلةالتحت على نفقته الخاصة.
- أول من أدخل الكهرباء و الماء في ديوانه العامر بام غدي.
- من مؤسسي مدرسة أم غدي للتعليم الأساسي.
- من مؤسسي مدرسة عتمور الثانوية بنات 1981م.
- و غير ذلك من إسهاماته المقدرة في أعمال البر و الإحسان
و الأعمال الخيرية في داخل و خارج منطقة الرباطاب.
🔴
المدون : د. ابراهيم عثمان سعيد عبد الحليم.
⚫⚫⚫⚫⚫⚫⚫⚫⚫⚫⚫⚫⚫⚫⚫⚫
🔴
مدونةالدكتور/ابراهيم عثمان سعيدعبدالحليم.من أبناء شعب الرباطاب - منطقة عيال الوسطى. الوحدة الإدارية الشريك بمحلية أبوحمد بولاية نهر النيل بالسودان.
السلسلة التوثيقية: من أدب الرثاء- المناحات- في السودان
((( المدونة إلكترونية سودانية توثيقية شاملة المحتوى ))).
🔴
ردودخاصة على استفسارات مجموعةمن متابعي المدونة من داخل و خارج السودان و المهتمين بجمع عينات لنماذج من الفنون و التراث و من أدب الرثاء خاصة و من الأدب الشعبي السوداني عامة.وشكرا لتواصلكم معنا.و الله الموفق.
🔴
المدون: د. ابراهيم عثمان سعيد عبد الحليم.
الموقع الإلكتروني للدخول مباشرة للمدونة اضغط هنا👇👇
atmoorsudan.blogspot.com
⚫⚫⚫⚫⚫⚫⚫⚫⚫⚫⚫⚫⚫⚫⚫ ⚫
⚫نموذج من أدب الرثاء في منطقة الرباطاب بالسودان⚫
رثاءالراحل محمد علي مصطفى - للشاعر مصطفى الخاج
مدونة الدكتور/ ابراهيم عثمان سعيد عبد الحليم
مدونة عتمور عيال الوسطى في دار الرباطاب بالسودان
⚫نموذج رثاءمحمدعلي مصطفى المياسي(عميد المزارعين)
⚫( امحمد ود علي ) باعث نهضة ام غدي الحديثة.
⚫ قصيدة شاعر عتمور و الرباطاب مصطفى الحاج موسى
⚫المصدر: كتاب من الأدب الشعبي بمنطقة الرباطاب بالسودان المؤلف: د. ابراهيم عثمان سعيد عبد الحليم
-اللهم ارحمه و اغفر له المرحوم محمد علي مصطفى المياسي ( امحمد ود علي - عميد المزارعين بدار الرباطاب بالسودان ) ( باعث نهضة ام غدي الحديثة ).
اللهم ادخله جنة الرضوان. و إنا لله و إنا إليه راجعون.
الموقع الإلكتروني:atmoorsudan.blogspot.com
⚫
المرحوم محمد علي مصطفى المياسي ( عميد المزارعين ).
من أبناء ام غدي - عتمور شرق - بدار الرباطاب بمحلية أبو حمد بولاية نهر النيل بالسودان.
⚫
أدناه نص قصيدة رثاء الراحل
محمد علي مصطفى المياسي(1)
عميد المزارعين بدار الرباطاب بالسودان
لشاعر الرباطاب/ مصطفى الحاج موسى
يا دوب نحنا اتكشفنا و اتعرينا
يا حليو الزمان الكان مغتي علينا
يا ضو القبيله الما بتخت الشينا
يا أبو الياس (2) خلاص الدنيا ضاقت بينا
كنت خبيرنا كنت دليلنا كنت قمر تضوي لينا
أبدا ما بتدوم الدنيا يا دخرينا
ركازة ضعيف ماك قاطع الأرحام
باعو طويل و لى كل النقص تمام
كم فتح بيوت كم ربى لى أيتام
حاشا و كلا أصلو أب آمنه ما بتلام
دايما في الكرم سابق الرجال قدام
يا حليل اب كريق بحر الدميره القام
من أطراف تقيهو بيشبع الجيعان
و من موية جداولو بيرتوى العطشان
تلت الليل يقوم يتفقد الجيران
و ما بيرتاحلو بال و الجار يكون عدمان
سيد الجامع الرسموهو في القيزان
صهل أذانو صوتو يشقق الوديان
يجزيك الإله بى كل خير و احسان
ما قام المصلى و نبه الأذان
يا صمد البداره و يا دليل القوم
فراج لى كروب البى يجيك مصروم
في وادى ام غدى (3) الليله صاح البوم
خربانه العبوس الخاينه ما بتدوم
ارجعى يا نفس للواحد القيوم
و مهما الزول يكون راجيهو هذا اليوم
الصيد الأكان ضرب الفيافي و طشه
من بعد اليباس نزل أم غدى يتعشه
و الطير المهاجر من بلاد الكشه
جا و سكن ام غدى فوق نخلو رسم العشه
و الإبل الأكان. مشتاق يشوف القشه
من بعد المحل لى سيدو حنه و بشه
ساسو متين و دا الماهو الطوينه الهشه
صادق في الكلام تب لا كذب لا غشه
رحمه من السماء فوق قبرو تنزل رشه
بى عد ما أكل حيوان شبع و ادشه
******************
(1) محمد علي مصطفى المياسي :- اللهم ارحمه وادخله جنة الرضوان - من أعيان عتمور بدار الرباطاب بمحافظة أبو حمد بولاية نهر النيل بالإقليم الشمالي بالسودان، مقيم في أم غدي شرقي عتمور، معروف بالكرم وله أياد بيضاء علينا جميعا نحن أبناء عتمور بدار الرباطاب بالسودان، وهو رجل أعمال معروف، و صاحب مشروع زراعي رائد بمنطقة الرباطاب بأم غدي شرقي عتمور، وصفه العمدة الحاج علي صالح - رحمه الله - عمدة البسلي بنهر عطبرة بأنه عميد المزارعين في منطقة الرباطاب بالسودان، وذلك في مقال له في الصحافة السودانية ذكر فيه مآثر ومناقب الراحل المقيم، ومنها: بناء جامع - على نفقته الخاصة - في أم غدي شرقي عتمور بدار الرباطاب، باعث نهضة ام غدي الحديثة . ومن المؤسسين لمدرسة أم غدي للتعليم الأساسي، ومن المؤسسين لمدرسة عتمور الثانوية العليا بنات عام 1981م بعتمور بدار الرباطاب بالسودان.
(2) محمد علي مصطفى ( عميد المزارعين) أبو عبد الوهاب و أبو الياس محمد علي مصطفى و اخوانهم و اخواتهم :
- الشيخ/ عبد الوهاب محمد علي احد أبناء محمد علي مصطفى المياسي ( عميد المزارعين) :والدته عمتنا الشيخة الحاجة / ام حطيم محمد حاج نور - اللهم ارحمها و اغفر لها و ادخلها جنة الرضوان - من الخلوة ام راو و ام غدي بدار الرباطاب. حفظك الله و رعاك شيخنا عبد الوهاب و متعك الله بموفور الصحة و العافية .
- الياس يقصد الشاعر الحاج / الياس محمد علي مصطفى المياسي أبو عثمان، أحد أبناء محمد علي مصطفى ( عميد المزارعين)، و الياس ابن عمتنا الراحلة المقيمة الحاجة / فرحين بنت سعيد ود عبد الحليم المياسي - اللهم ارحمها واغفر لها و ادخلها جنة الرضوان - من العباسي و ام غدي بدار الرباطاب بالسودان،.
و الياس سار على نهج أبيه، و هو الآن رجل أعمال معروف ، وصاحب مشروع زراعي كبير بأم غدي شرقي عتمور بدار الرباطاب بالسودان ومقيم بها الآن. حفظك الله ورعاك أبو عثمان الياس ود أمحمد ود علي ود مصطفى.
(3) وادى أم غدي: إشارة إلى منطقة أم غدي شرقي عتمور بدار الرباطاب بالسودان.
⚫المدون: د. ابراهيم عثمان سعيد عبد الحليم
مدونة الدكتور/ ابرهيم عثمان سعيد عبد الحليم
مدونة عتمور عيال الوسطى في دار الرباطاب بالسودان
الموقع الإلكتروني للدخول مباشرة للمدونة اضغط هنا👇👇
atmoorsudan.blogspot.com
⚫⚫⚫⚫⚫⚫⚫⚫⚫⚫⚫⚫⚫⚫⚫⚫
ليست هناك تعليقات:
إرسال تعليق