...................بسم الله الرحمن الرحيم .......................
🔴🔴 🔴 مدونة عتمور الإلكترونية السودانية. 🔴 🔴 🔴
🔴عتمور- محلية أبو حمد - ولاية نهر النيل - السودان 🔴
🔴 أبو حمد حاضرة شعب الرباطاب -ولاية نهر النيل السودان - مختارات من استراحة المدونة.
🔴 السلسلة التوثيقية:مختارات من الشعر السوداني شعر الوصف و مواطن الحسن و الجمال في شرق السودان : تاجوج و كسلا التاكا.
........................
(1) وداع كسلا التاكا:
كسلا التاكا فيها جمال رائعه بكل ما فيها
زينة و عظمة غرب القاش و سبحان ربي باريها
تجلت قدرة الرحمن في خدرة سواقيها
عشانك إنتي يا كسلا بحب الدنيا و الفيها
و بعشق للحلنقة هناك و للزول السكن فيها
و بشرب من مياه توتيل عشان أرجع و أعود ليها
زهرة جميلة ست الناس بسأل ربي يحميها
خلاص نقلوك جنوب الفونج و شلتي قلوبنا بالفيها
إيه معني الحياه بعدك و كيف نقدر نقاسيها
و مهما نظمت فيها قصيد محال بي شعري أوفيها
و أمني نفسي بالعودة و أزور "كسلا" و ألاقيها
وداعا يا نبع توتيل كرم أدروب خريف تاكا و بواديها
وداعا يا جبل مكرام عُلا توتيل شموخ كسلا وسواقيها
وداعا يا بديع كجراي حروف اسحق نغم ألحان شواديها
وداعا يا زهور القاش عطر فواح عصاريها و أماسيها
وداعا يا ديار تاجوج حكاوي الريد معاني الحب أغانيها
(2) تاجوج:
إنتي زي تاجوج حكاية و صورة في أجمل معاني
ما كفاية علي عيونك و شامه فوق خديك تلالي
(3) و أما الشواهد على شعر تاجوج في شرق السودان قصيدة تاجوج للشاعر الأستاذ الراحل المقيم /
محمد عثمان صالح كجراي و منها :
قليبي المنو اصلو شقاي ريدي
يزيد الهم علي يسفح وريدي
يعشق بالألم نبرة قصيدي
دي تاجوج متلقت يا خملة زيدي
تمر المحنة زي ضل السحابه
حروف اسمك نغم يسقي الغلابه
حروف اسمك بشارة خير حبابه
حروف اسمك حليفة و غنا الصبابه
مع الأيام يزيد حسنك نضاره
عشان عينيك تخضر الصحارى
بوصف ليكي ألحان العذارى
نعيش باقي العمر في الريد سكارى
( ينظر: قصيدة تاجوج: محرك بحث :www.google..com)
(4) و أما الشاهد الآخر على أغاني كسلا و تاجوج في شرق السودان تحية كسلا للمبدع كمال ترباس و منها:
هلا يا هلا وين وين كسلا
بدور أصلا أزور جبلا
أقابل أهلا وأضوق عسلا
جبل توتيل عظيم و جميل شموخ و علا
جمال تاجوج كرم أدروب يزيدا حلا
منايا أشوف جبل تكروف
مراغنة هناك زيارة صفوف في كسلا
بساهر الليل و أخاصم النيل و أزور توتيل في كسلا
بطير بي فوق و أشوف الذوق و أسوي القوق في كسلا
الرابط أدناه للاستماع و المشاهدة :
https://youtu.be/FlLmXoTUzVE?si=yzkU5Fkkt-zcCTHH
( ينظر: تحية كسلا: محرك بحث :www.google..com)
و مقتبس ابيات من قصيدة جنة العشاق او كسلا للشاعر توفيق صالح جبريل
نضر الله وجه ذاك الساقي
إنه بالرحيق حل وثاقي
فتراءى الجمال مزدوج الاشراق يسبي معدد الآفاق
كان صبحا طلق المحيا نديا إذ حللنا حديقة العشاق
نغم الساقيات حرك اشجاني
وهاج بي الهوى أنين السواقي
يا ابنة القاش إن سرى الطيف وهنا
و اعتلى هائما فكيف لحاقي
كسلا أشرقت بها شمس وجدي
فهي في الحق جنة الإشراق
( ينظر: تحية كسلا: محرك بحث :www.google..com)
إسم الأغنية : كسلا ( أرض الحبايب )
الشاعر الراحل : أحمد الحاج علي
الفنان الراحل : عبد العظيم حركة
♧◇♡@♤■□●#○
أرض الحبايب يا رمز المحنة
في واديك ولدنا ضُقنا حنان أهلنا
*** * * *** ** *** * ** *
سكانك أطايب عامرين بالأماني
ألحانك تملك نشوة و أغاني
يسعد في حبور راح ريدم حواني
لو ما فيك ولدتا كان الهم طواني
*** * * *** ** *** * ** *
في كسلا كسلا كسلا
روحي برضك لي حبيبة
خيراتك وفيرة دوام ارضك خصيبة
القاش مناظر و جبالك عجيبة
لو ما فيها روحي كيفن أقدر أسيبا
*** * * *** ** *** * ** *
ترقد في الجبال التاكا الأبية
توتيل والحلنقة ديم الميرغنية
السوريبة روض رضوان هدية
القوازة زهرة تتفتح ندية
*** * * *** ** *** * ** *
أرض الحبايب يا رمز المحنة
في واديك ولدنا ضقنا حنان أهلنا
( ينظر: تحية كسلا: محرك بحث :www.google..com)
🔴 🔴🔴 🔴🔴 🔴🔴 🔴🔴 🔴🔴 🔴🔴🔴 🔴
المدون: د.ابراهيم عثمان سعيد عبد الحليم - مدونة عتمور الإلكترونية السودانية الموقع الإلكتروني للدخول مباشرة للمدونة اضغط هنا:
👇 👇👇 👇👇 👇👇 👇👇
atmoorsudan.blogspot.com
ليست هناك تعليقات:
إرسال تعليق