...................بسم الله الرحمن الرحيم .......................
🔴🔴 🔴 مدونة عتمور الإلكترونية السودانية. 🔴 🔴
🔴عتمور- محلية أبو حمد - ولاية نهر النيل - السودان🔴
🔴 أبو حمد حاضرة شعب الرباطاب -ولاية نهر النيل السودان🔴 أخبار - اجتماعيات - مناسبات - و متابعات🔴
🔴متابعات المدونة : "لا بديل للسكة حديد إلا السكة حديد"
قطار مخصوص الهندسة بهيئة سكك حديد السودان يصل ام غدي و منها إلى محطتي سكة حديد دقش و أبو حمد - بمحلية أبو حمد بولاية نهر النيل بالسودان.
🔴شكرا أهالي منطقة ام غدي حسن الاستقبال و كرم الضيافة وتكملة خزانات مياه الشرب لقطار مخصوص الهندسة بهيئة سكك حديد السودان.
🔴أهالي منطقة كرقس بدار الرباطاب بالوحدة الإدارية الشريك بمحلية أبو حمد بولاية نهر النيل بالاقليم الشمالي بالسودان يكرمون وفد مخصوص الهندسة قسم الصيانة - تيم الإشارات والاتصالات لفتح الخط عطبرة /بربر وخط مصنع اسمنت بربر /ابوحمد /وادى حلفا الإقليم الشمالي بهيئة سكك حديد السودان.
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
( بسم الله الرحمن الرحيم
هيئة سكك حديد السودان
ادارة العلاقات العامة والإعلام
💥مرافقا لقطار مخصوص هندسة بالوابور ٢١٠٦ واللودر ١٢٩٤ والكراكة ١١٤٧ وتيم الإشارات والاتصالات لفتح الخط عطبرة /بربر وخط مصنع اسمنت بربر /ابوحمد/وادى حلفا
الإقليم الشمالي
جمعة مباركة عليكم جميعا
من محطة ابوديس إلى محطة دقش بمشيئة الله تعالى
الأبطال يسدون قطوعات وادى ام غدي بعون الله وتوفيقه ثم بعزم الرجال
شكرا أهالي منطقة ام غدي يوم الجمعة 16/12/2025م
حسن الاستقبال وكرم الضيافة وتكملة خزانات مياه الشرب
بالتوفيق للجميع إن شاء الله بالسلامة للجميع إن شاء الله
المصدر :ابو بكر حسين بابكر بابكر - اعلام السكة حديد).
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
🔴
و شكر خاص و تقدير إلى:
عموم الأهل و العشيرة في ام غدي بدار الرباطاب بالوحدة الإدارية الشريك بمحلية أبو حمد بولاية نهر النيل بالاقليم الشمالي بالسودان على كرم الضيافة و هم يحسنون استقبال وفد قطار مخصوص الهندسة بهيئة سكك حديد السودان. و يتكفلون بتزويد خزانات مياه القطار بمياه الشرب النقية . و بهذه المنطقة سندة ام غدي الشهيرة و الواقعة في شمالي محطة سكة حديد أبو ديس.
و أم غدي بدار الرباطاب لمكانتها و لعظم شأنها ورد ذكرها في الأدب الشعبي في منطقة الرباطاب بالسودان و نقتبس من
قصيدة أم غدي: لشاعر الرباطاب / مصطفى الحاج موسى هذه الأبيات :
حمدا للإله الواحد العطاي
فوق بلدي أم غدي الليلة تم مناي
سنده و مدرسة و شوف نورك الضواي
وابورات تدق سمعوها في عتباي
سكانك زمان ناس سوقمه و الهاساي
و دخان الكدوك بي يزكي ريحة الشاي
طندبك اتقلع عملوهوا ود لقاي
الموز و القرين المنقه. و الباباي
يا داخل أم غدي صلّي على المختار
عينك بارده ما تكون حاسد أو سحّار
يا نعم الرجال الشّغلوا الأفكار
بي سهر الليالي و السموم الحار
ما ناموا الضحي و ما اتبعوا الأخبار
ايدهم ديمه في الطوريه و الفرار
من بعد اليباس خلوها نايره خدار
أبوك يا الياس مكندق يا ربيع الشدّه
يا اب كفا خريف فوق الضعاف يتمده
حسناتك بحر في الدنيا ما بتتعده
في الآخره بي تفرش و تبقى ليك مخده
سيد الجامع الفوق الرمال اتمده
مسلح ساسو دا البي صاقعه ما بيتهده
دايما بي فضيله على الرجال تتبده
راجين الكريم عمرك يطول يتمده
من بعد الألم ترجعلو عافيه و شده
عنوان أم غدي من الصعيد عباس
و اب أحمد. يمين سوّاي و ما حدّاث
يقابل ضيفو حفيان القدم و الراس
سيد المشرق الشتلوهو بالمقياس
مارقه زكاتو قبال ما يجيب اب راس
و الولد الظهر يا دوبو ليهو سنين
سنو صغيره عقلو يوازن السبعين
نجم الموسم الولد البكيل العين
نهر الأتبراوي العم بالجنبين
سليمان النجاح راجيهو بالدربين
الهدعابي جدك والد أم حزين
سياسه و حكمه ما بيختلفوا فيها اتنين
و علي ود مصطفى العندو الرجاله تبين
رباي اليتامى مدرج العاطلين
يا حليل أم غدي يا حليل زمانه الفات
زمان داك الضلام و كبتت الغابات
زمان حتى الأسد و الضبعه جن ساكنات
عمار أم غدي الكانوا في الساحات
دبابيكا كتار بي يجنهم طاردات
ناس ود البشير. و زريبة النعجات
وطلحه من الشمال حارسين لهم دومات
نحايى النار و نوقد فيها كروقات
لا فانوس و لا حتى أم شرّيط جات
انقلب الزمن و اتعكست الآيات
و لمبة ناس حسن تجهر من السلمات
نقابل ضيفنا بي ترحاب و كل بشاشه
و تحت الدومه نفرشلو الرمال فراشه
شربات الهنا نديهو كوره غباشه
و ان حضر الفطور تلقهو بي رشاشه
الدايرنا كان بي يكوسنا بالفتّاشه
و البلد أم غدي يا ناس بقت في الشاشه
د ابراهيم عثمان سعيد عبد الحليم
مدونة عتمور الإلكترونية السودانية
الجمعة 26/12/2025م
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
🔴
و تحية إجلال و تقدير:
إلى عموم أهالي منطقة كرقس بدار الرباطاب بالوحدة الإدارية الشريك بمحلية أبو حمد بولاية نهر النيل بالاقليم الشمالي بالسودان و هم يكرمون وفد مخصوص الهندسة قسم الصيانة بهيئة سكك حديد السودان(تيم تحدي المستحيلات ) بوجبة عشاء على شرف وصول المخصوص لمنطقتهم بمحلية أبو حمد.
و بلد الأصالة كرقس تعني السيادة و الريادة و العزة. و الشهامة و الكرم من زمان هيله كما ورد في أدب الرباطاب الشعبي بالسودان.
و من كتاب " عبد الحليم :د. ابراهيم عثمان سعيد ، من الأدب الشعبي في دار الرباطاب بالسودان، دراسة تحليلية، ام درمان، السودان ، فبراير 1989م " - نقتبس هذه الأبيات و التي قيلت في بلد الأصالة كرقس و أهلها لشاعر عتمور و الرباطاب بالسودان مصطفى الحاج موسى - رحمه الله - :
كرقس انتي يا بلد الأصاله
بقت كل المدن تتمنى حاله
اهلك ناس عمل ماهم عطاله
تب ما اترقدوا و شالوا القواله
شبابا واعي يخدم بي بساله
كرقس جنة و السمحات صفاته
نعمه البدرت بلد الحراته
كرقس باينه وسط النيل حلاته
عروس الوقفه في وسط السباته
كرقس انتي يا بلد الأمانه
و حاشا و كلا ما شافت خيانه
كرقس ملكه واقف ديدبانه
و من بين المدن أخدت مكانه
كرقس يا مناظر يا جميله
و من زمنا قديم العزه هيله
فوق النيل صفوف شابك نخيله
و ما أحلى السمر ساعة مقيله
يغني القمري بي أصوات عسيله
كرقس سيدا فيها يقول حليله
و في بلد الأصالة كرقس و أهلها هذه الأبيات من أدب الرباطاب الشعبي بالسودان لأستاذ الجيل الشاعر الكبير /
تاج السر الماحى الطاهر :
كرقس من قديم مالكه السياده و هيله
كرقس دوحه وارفه ظلاله مافى مثيله
كرقس مكمن الخير بى ترابه و نيله
كرقس هيا قوم يا صاحبى عاد نمشيله
د ابراهيم عثمان سعيد عبد الحليم
مدونة عتمور الإلكترونية السودانية
26/12/2025م
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
(بسم الله الرحمن الرحيم
هيئة سكك حديد السودان
ادارة العلاقات العامة والإعلام
🔴💥مرافقا لقطار مخصوص هندسة بالوابور ٢١٠٦ واللودر ١٢٩٤ والكراكة ١١٤٧ وتيم الإشارات والاتصالات لفتح الخط عطبرة /بربر وخط مصنع اسمنت بربر /ابوحمد /وادى حلفا
الإقليم الشمالي
من محطة ابوديس إلى محطة دقش بمشيئة الله تعالى
كيلو ٥١٢
🔴💫أهالي منطقة كرقس يكرمون وفد مخصوص الهندسة بوجبة عشاء على شرف وصول المخصوص لمنطقتهم
ديل_اهلي -بالتوفيق للجميع إن شاء الله - بالسلامة للجميع إن شاء الله.
المصدر :ابو بكر حسين بابكر بابكر - اعلام السكة حديد).
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
(بسم الله الرحمن الرحيم
هيئة سكك حديد السودان
ادارة العلاقات العامة والإعلام
🔴💥مرافقا لقطار مخصوص هندسة بالوابور ٢١٠٦ واللودر ١٢٩٤ والكراكة ١١٤٧ وتيم الإشارات والاتصالات لفتح الخط عطبرة /بربر وخط مصنع اسمنت بربر /ابوحمد /وادى حلفا
الإقليم الشمالي
كيلو ٥١٦
من محطة ابوديس إلى محطة دقش بمشيئة الله تعالى
معاناة للعاملين بمخصوص الهندسة في نزح الرماله في وعلى جانبي الخط الحديدي ربنا يعين الجميع بالتوفيق للجميع إن شاء الله بالسلامة للجميع إن شاء الله.
المصدر :ابو بكر حسين بابكر بابكر - اعلام السكة حديد).
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
🔴( 🚂 هيئة سكك حديد السودان قطار مخصوص صيانة السكة لفتح الخط عطبرة /بربر وخط مصنع اسمنت بربر /ابوحمد /وادى حلفا
🔴🔻 الإقليم الشمالي
🚉 من محطة ابوديس إلى محطة دقش بمشيئة الله تعالى
كيلو ٥١٩
🔴✅ بداية سد القطوعات بمنطقة القويبه
عدد ٤٣ قضيب نفادي وجنباوي
المصدر : ابوبكر حسين بابكر28/12/2025م اعلام السكة حديد).
——————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
-———————•••••———
✳ المدون: د.ابراهيم عثمان سعيد عبد الحليم
🔴 السلسلة التوثيقية- النسخة الأصلية
🔴مدونة عتمور الإلكترونية السودانية
🔴الموقع الإلكتروني للدخول مباشرة
................اضغط هنا...............
👇👇👇👇👇👇👇👇 👇👇atmoorsudan.blogspot.com
———————•••••————
🔴 🔴🔴🔴🔴 🔴 🔴🔴🔴🔴 🔴 🔴🔴🔴🔴
———————•••••————
الرابط : مغادرة قطار مخصوص الهندسة منطقة أم غدي 26/12/2025م👇👇👇👇👇👇👇👇👇👇
https://www.facebook.com/share/v/1BuiWRCpuF/
مصدر الرابط : صفحة فيسبوك ابوبكر حسين بابكر26/12/2025م اعلام السكة حديد
ليست هناك تعليقات:
إرسال تعليق