العمدة ود بيناوي عمدة عمودية عتمور بدار الرباطاب بالسودان

العمدة ود بيناوي
مشرع أمكي / أبوديس
عمودية عتمور بدار الرباطاب محلية أبوحمد
ولاية نهر النيل الإقليم الشمالي السودان
ابراهيم عثمان سعيد عبد الحليم
تاريخ النشر: الإثنين 11 أغسطس 2014
atmoorsudan.blogspot.com

... و أما نسبة اسم المعدية ( البنطون الجديد) إلى عمودية عتمور بدار الرباطاب ، فمدلوله: يشير إلى تاريخ و أصالة ومعاصرة منطقة الرباطاب ( عموديات الرباطاب السبع ( إداريا سابقا) وهي من الشمال: عمودية مقرات ومركزها أبوحمد، وعمودية الزويرة ومركزها الزويرة، وعمودية كرقس ومركزها كرقس، وعمودية عتمور ومركزها عتمور، وعمودية أبوهشيم ومركزها أبوهشيم، وعمودية الكدق ومركزها الكدق، وعمودية الباقير ومركزها الباقير ).

... و أما مكان المشرع في بلدة "أمكي / أبوديس بدار الرباطاب بالسودان، فأمكي لها دين علينا جميعا نحن أبناء الرباطاب عامة و نحن أبناء عتمور خاصة، فأمكي /أبوديس أقدم مشرع في دار الرباطاب بالسودان. 

و قال في بلدة أمكي"أم الكرام بلد الحضارة" شاعر عتمور الرباطاب/ مصطفى الحاج موسى هذه الأبيات و منها :

حرف الكاف دا متوسط حروفا 
سعيد الدنيا يمشي "أمكي" و يطوفا
و سمحه الموضه في دكان "شروفا"
***
"أمكي" حنينة للأغراب ولوفا 
و تضم الناس متال أما عطوفا
***
"أمكي" بقيتي للتعليم مناره 
يا أم الكرام بلد الحضاره
ديك "عتمور " شقيقة و في جواره 
و كذاب البقول بينكم ستاره
***
أشوف فيكي المكاتب و الإداره 
و ترفرف فوقا أعلام السفاره
و في "هنديه" أشوف طابق العماره
و المارسيدس أب عيناً شراره
و يقول في "أمكي / أبوديس" أيضاً:
يا سايق يلا عجّل بينا
دموع الشوق جرّحت عينينا
بعد دا الحال العوده لى "أمكينا" 
و طريتا "شكير" يا حليل "بينينا"
اللهم ارحمه و ادخله جنة الرضوان الشاعر/مصطفى الحاج موسى.
(8/2014 atmoorsudan.blogspot.com).

... و أما مقصود معناه معدية عمودية عتمور ؛ فعرفان بالجميل و تشريف و تكريم و تقدير و احترام؛ و إحياء لذكرى؛ و إعلاء شأن أهل منطقة الرباطاب عموما؛ و لمن خدموا العمودية - جيل العمد و شيوخ البلد و أعيان البلد و الآباء و الأجداد و جيل اليوم من أبناء العمودية - و في شتى المجالات بجهدهم و فكرهم و رأيهم و بحر مالهم "بصفة خاصة"، و في هذا المقام، خالص دعواتنا، لمن بقي منهم على قيد الحياة، بطول العمر مع موفور الصحة و العافية، و لمن رحل منهم عن دنيانا الفانية الرحمة و المغفرة، بقدر ما قدموا و أعطوا لبلدهم.

و أخص منهم بالذكر العمدة محمد بيناوي عمدة عمودية عتمور بدار الرباطاب بالسودان ، و الذي ورد ذكره في كتاب من الأدب الشعبي في منطقة الرباطاب بالسودان (8/2014 atmoorsudan.blogspot.com).

الشاعر مصطفى الحاج موسى
حياته ونماذج من شعره
دراسة تحليلية ، جمع وإعداد:
إبراهيم عثمان سعيد عبد الحليم، فبراير 1989م 
رثاء العمدة/ محمد ود بيناوي (1)
عمدة عمودية عتمور بدار الرباطاب بالسودان
لشاعر الرباطاب/ مصطفى الحاج موسى
(8/2014 atmoorsudan.blogspot.com).
كم حليت مشاكل و كم سترت عيوب
خربانة العبوس يا أب أحمد (2) الحبوب
كل الكان عديل الليله صار مقلوب
و الزول ما بيفوت الفي الأزل مكتوب
الليله الحديث يا دوب خرب يا دوب 
ما دام المحنك وسدوهو الطوب
(8/2014 atmoorsudan.blogspot.com).
يا قمر السبوع ليه غبت من واديك 
يا أب عاشه الهمام طال اشتياقنا عليك
بكت عتمور قبال أمكي ما تبكيك
تمامة الشوره يا الكان اعتمادنا عليك
ناصع بالبياض واضح كتاب ماضيك
ما حامت شكوك من يومك التبيت
(8/2014 atmoorsudan.blogspot.com).
أب آمنه العليك طاردين ضيوف الليل
أب كفا خريف حاشاهو ماهو بخيل
ثابت قلبو أثبت من جبل توتيل
بارز في الرجال في الحكمه باعو طويل
ما سوا الزرايب شتلو باقي سبيل
مصوبر في الدرب منو العشامه تكيل
(8/2014 atmoorsudan.blogspot.com).
طيب السمعه اسمك ما ذكر بي شين
سيد الكلمه في ساعة العمد جالسين
منزلة الضيوف يا عاوج الدربين (3)
اتقفل الدرب يا دوبو للبينين
دخري الحوبه في ساعة الرجاله تبين
القوي والضعيف قدامو متساوين
(8/2014 atmoorsudan.blogspot.com).
أب رايا سديد كان للرجال هداي
سلالة ود نصر (4) كان للضعيف تاتاى
ديل أهل الحراته الكمل السراى
توريقهم يصن طول الوكت صحاى
أجاويد البلد أهل الفكر والراى
خلاص الطوف غرق و اتكسر العداى 
(8/2014 atmoorsudan.blogspot.com).
E-mail:abdulhaleamibrahim@hotmail.com

(1) العمدة ودبيناوي - اللهم ارحمه وادخله جنة الرضوان - عمدة عمودية عتمور بدار الرباطاب بمحافظة أبو حمد بولاية نهر النيل بالإقليم الشمالي بالسودان. معروف بالشهامة و الكرم و الحكمة والرأي السديد،مقيم في البينين بأمكي بدار الرباطاب.

(2) أب أحمد: أحمد ود العمدة، أحد أبناء العمدة ود بيناوي، و هو أستاذي وأستاذ الجيل أحمد محمد بيناوي، ناظر مدرسة أمكي الأم، تتلمذ على يديه الكثير من أبناء منطقة الرباطاب بالسودان، وخاصة أبناء منطقتي أمكي وعتمور، فجزاه الله عنا خير الجزاء.

(3) الدربين: يقصد بالدربين في دار الرباطاب بالسودان (الدرب الفوق وهو درب الشارع طريق العربات- السيارات -) و (الدرب التحت و هو درب الحمير ). وهكذا موقعهما في التخطيط العمراني لقرى دار الرباطاب بالسودان: درب الشارع ثم أرض السواقي ثم درب الحمير ثم المساكن ونهر النيل.

(4) ومن سلالة العمد في عمودية عتمور بدار الرباطاب بالسودان على سبيل المثال: العمدة الحاج محمد نصر بيناوي والعمدة بيناوي محمد فرنيب والعمدة صلاح ود رباط .. وغيرهم.

E-mail:abdulhaleamibrahim@hotmail.com
(8/2014 atmoorsudan.blogspot.com).