بسم الله الرحمن الرحيم
مدونة الدكتور/ ابراهيم عثمان سعيد عبد الحليم
السلسلة التوثيقية : شعر المدح و الحماسة في السودان.
نورد فيما يلي من مصادر و مواقع إلكترونية سودانية متعددة:
مقتبسات نماذج لأسماء رموز و اعلام و شخصيات سودانية من عدد من المناطق السودانية.
و خلدت هذه الأسماء في الذاكرة السودانية بأغاني التراث الشعبي والمدح و الحماسةفي المجتمعات المحلية السودانية.
و نقتبس مقاطع من قصائد لعدد من شعراء الرباطاب للمقارنة مع أشعار شعراء سودانيين من مناطق أخرى بالسودان.
*د. ابراهيم عثمان سعيد عبد الحليم
الموقع الإلكتروني:👇 👇👇 👇 atmoorsudan.blogspot.com
🔴 شعر المدح و الحماسة في السودان. و نماذج لأسماء رموز و اعلام و شخصيات سودانية من عدد من المناطق السودانية. و مقاطع من قصائد لعدد من شعراء الرباطاب للمقارنة مع أشعار شعراء سودانيين من مناطق أخرى بالسودان. مدونة الدكتور / ابراهيم عثمان سعيد عبد الحليم atmoorsudan.blogspot.com
(1)
من هو بابكر ضحوي
الباسل بابكر؟
صاحب الاغنية الشعبية التراثية : بابكر ضحوي هو الشخصية التي قيلت فيها قصيدة وأغنية الحماسة السودانية الشهيرة "الباسل بابكر"
التفاصيل:الشاعرة: زينب بابكر عبد الله الشوبلي
(أو زينب بنت بابكر ود ضحوي حسب بعض الروايات)، والتي ألفت القصيدة مدحاً وثناءً في جدها.المناسبة:
أغنية حماسة سودانية تراثية تبدأ بمطلع:
"بجر القول والشكر لي الباسل بابكر".
من أشهر مطالعها:
يَا بَنِيَّة جُرِي القدح
للأسد الما انفضح
أبوي مما قام قرح
بحر المالح طمح
المؤدون: غناها عدد من الفنانين السودانيين.
المصدر: مقتبس من مصادر و مواقع إلكترونية متعددة
--------------------------------------------------------------------------
(2)
من هو الحسن ود ضبعة
سيد محكر الديوان؟
القصيدة للشاعرة حـــمـــيـــرا
يقال أن هذه القصيدة قيلت في الحسن ود ضبعة عمدة الجوير
( الجوير قرية تقع شمال غرب شندى و هى واحدة من أشهر قرى الجعليين)
و ذلك عندما شكا عقلاء القرية للحسن ود ضبعة من تكسر الشباب على حفلة أقيمت بالجوير لعدة أيام بواسطة حميرا
(أشهر مغنية فى ذلك الزمن بمنطقة الجعليين من كبوشية
للعالياب للزيداب لى سقادى و الجوير و المتمة و بقية القرى هناك)
و ملخص الشكوى أن الشباب تحلق حول حميرا و تركوا أشغالهم و زراعتهم و تفرغوا للحفلة و البطان
و بالتالي تضاعف العبء على ذويهم من العقلاء فحمل الحسن و د ضبعة عصاته و سوطه و جاء ليفرتك
الحفلة و يطرد الفنانة من القرية..
و لما وصل لمكان الحفلة لقى الحكاية رابة و الجنيات تعرض و السوط يلعلع
( سوط البطان)
و أول ما شافته من بعيد متوجها نحوها و عيونه محمرات فهمت و قرأت ما يجول بخاطره
فارتجلت هذه القصيدة :
سيد محكر الديوان ثابت يا أب قلب..
فوقف و استمع وأعجبه الغناء و المغنية و الجو..
فطرب وهزّ بى عصاتو فوق حميرا و أداها قروش .. وقال ليها:
غني غناك أريتهم لا أكلوا لا شربوا
إلى أبيات القصيدة:
سيد محكر الديوان ثابت يا أب قلب
تقابة لي النيران وين متل الحسن
***
الحسن يا الحسن غنيتّا ليك بي قياس
صنديد لي الولايا ولي الدموع قشاش
يا مطر السواري الماك هبوب ورشاش
حنكو البليغ خلوهو يتحدث
سيد زيناً قبيل قبل الناس تعرف الناس
سيد أصلاً قديم من الحمزه والعباس
***
الحسن والحسن في عايلة ماتسمّا
ضباح الربايب سيد القدح لمّا
دالي وبرمكي وببرّد حشا العمّا
دا ولادة النجاح الما بتدرك البلما
شوف عيني التساب الفوق البلد عمّا
ود ضبعة التساب الفوق البلد عمّا
***
أناغنيت بولف ليك
ياالدابي العُشاري وزي الشرار عينيك
وخبر البندقية القالو دى بترميك
تلب يا الصقر توّر الرخم مني
***
الحسن يا الحسن دوام بغني لِي
تمساح جلقني وزي الشرار عيني
ما شال بندقية وقال بتحميني
تلب يا صقر جفل الرخم مني
المصدر: مقتبس من مصادر و مواقع إلكترونية متعددة
--------------------------------------------------------------------------
(3)
من هو علي ود سعد محمد الشميمي
اب عاجات اللحو؟
المقصود به هو العمدة "أبو جديري" (واسمه الحقيقي علي ود سعد محمد الشميمي)، وهو عمدة قرية "كُلي" بمحلية المتمة في ولاية نهر النيل بالسودان. وقد قيلت فيه مرثية ومناحة تراثية شهيرة غناها الفنان علي إبراهيم اللحو وتُعرف بـ "مناحة عمدة كلي" أو "أب عاجات".
الشاعر هو الشيخ أحمد محمد بشير الرياشي (المعروف بالشيخ ود البشير الرياشي)، من قرية الفرحسين.تفاصيل المناحةالمرثية: في رثاء العمدة علي ود سعد أبو جديري عمدة كلي (ولاية نهر النيل).الطول: نحو 280 بيتاً شعرياً.الظروف: نظمها على ظهر حماره بين كلي والفرحسين.التوثيق والتشتهر: مدّ بها الراحل معاوية أحمد سعيد الفنان علي إبراهيم اللحو لتصبح من أثيرة أغانيه.
المصدر: مقتبس من مصادر و مواقع إلكترونية متعددة
--------------------------------------------------------------------------
(4)
من هو الشيخ/حسن عبد الله طه
الفارس الجحجاح؟
قصيدة : شدّولك رِكِب فوق مُهرك الجمّاح
في من قيلت هذه القصيدة :
صاحب هذه الأوصاف هو عمدة منطقة المفازة (جنوب ولاية القضارف في السودان) الشيخ حسن عبد الله طه، وهو الممدوح في أغنية الحماسة السودانية الشهيرة "الفارس الجحجاح" (المعروفة بمطلعها شدّولك رِكِب فوق مُهرك الجمّاح).
الفارس الجحجاح
للشاعر :عمر الحسين
غناء الفنان :سيد خليفة
شدولك ركب فوق مهرك الجماح
ضرغام الرجال الفارس الجحجاح
تمساح الدميرة المابصيده سلاح
السم النقوع الفي البدن نتاح
ياصال المفازة للعييون كتاح
المال مابهمك هوي ان كتر وان راح
.....
بطنا جابتك والله مابتندم
يا اسد الكداد الفي خلاك رزم
يارعد الخريف الفي دمدم
بابك ماانقفل ونارك تجيب اللم
مابتحلف تقول غير استريح حرم
....
ابواتك قبيل بحلو للعوجات
ومطمورتك تكيل للخالة والعمات
في الجود والكرم ايديك كمان بارزات
يا اب قلبا حديد في الحوبة مابتنفات
.....
عينيك ياالصقر في الحارة مابتنوم
صدرك للصعاب دايما بعرف العوم
في الوسط الفريق للفارغه مابتحوم
لابتتلام ولا بتعرف تجيب اللوم
ود ناسا عزاز جمعو المكارم كوم
تفخر بيك بنات الباديه والخرطوم
المصدر: مقتبس من مصادر و مواقع إلكترونية متعددة
--------------------------------------------------------------------------
من هو عبد القادر مضوي؟
من هو المقصود بهذا المقطع في أغنية بنت النيل
دا الجنن عبد القادر ؟
عبد القادر في مقطع «دا الجنن عبد القادر» من أغنية «بنت النيل» للفنان السوداني أحمد المصطفى (1922–1999) هو عبد القادر مضوي، وقيل ارتباطه بالاسم يعود لأفعاله الجنونية والطربية الغريبة أوقات الحفلات (مثل أكل الزجاج أو طعن نفسهن أو إثارة الصخب)، بينما تقول روايات شعبية أخرى إنه شاب من العيلفون جُن بحب فتاة النيل التي غرقت.تفاصيل الأغنية والقصة:الأغنية: «بنت النيل» للفنان السوداني أحمد المصطفى.الكلمات: تقاسمها شاعران:المطلع حتى قبل الأخير: للشاعر بشير عبد الرحمن (مهندس زراعي من كسلا، كتبها في منتصف الأربعينيات).المقطع الأخير («أحبّو وأحب نوناتو...»): للشاعر محمد أحمد الشيخ (الجاغريو).قصة المقطع عبارة:
«في الجيل مثالك نادر / ودا الجنن عبد القادر»
و صارت مثلاً بسبب تفاعل عبدالقادر مضوي الطربي الشديد وتصرفاته المثيرة في الليالي والغناء).
المصدر: مقتبس من مصادر و مواقع إلكترونية متعددة .
--------------------------------------------------------------------------
هذا و قد وردت نماذج لاغاني المدح و الحماسة في معظم مناطق السودان من مصادر و مواقع إلكترونية سودانية متعددة و نذكر منها مثلاً الآتي:
(( أغنية (العوبة يا نديمة) و أغنية (سمعنا لْنا خبرًا في الهلاليَّة)، و أغنية (الجنزير في النجوم عقد الهيكل المنظوم)،وأغنية (انا ليهم بقول كلام) و أغنية (منايا ليك ما وقف اتمنِّيت أنا تكبر تشيل بي ردف مو لقاط طرف)، و أغنية (اسمك قديم زايط)، و أغنية (بجر القول والشكر لي الباسل بابكر) و أغنية ( الهميم تسلم ) و أغنية (ماهو الفافنوس) و أغنية (المك نمر) و أغنية ( الهندي الشريف) و أغنية ( يجوا عايدين) و أغنية (النعيم ود حمد. الاحييت سنن البرامكة وعاجبني زول ايدو سامكة) و أغنية (البشيل فوق الدبر ما بميل قدل شيخي للجماعة مهيل)، وأغنية (غير خالد ما ليك تنين عرش دود الأربعين)،وأغنية (سمّوك بحر البرد أخوي اللابس العرض) و أغنية (دربك زرق حدَير).
( ينظر المصدر : الموقع الإلكتروني النيلين وصحيفة الانتباهة السودانية . و مصادر و مواقع إلكترونية سودانية متعددة)).
د. ابراهيم عثمان سعيد عبد الحليم
الموقع الإلكتروني: atmoorsudan.blogspot.com
--------------------------------------------------------------------------
.....................بسم الله الرحمن الرحيم .....................
مدونة الدكتور/ ابراهيم عثمان سعيد عبد الحليم
السلسلة التوثيقية - من ارشيف المدونة الالكتروني
مقتبس من الادب الشعبي في دار الرباطاب بالسودان
إعادة نشر: 18/9/2026م
إعادة نشر: 25/9/2024م
إعادة نشر: 1/5/2024م
—————————————————————
مقتبس من شعراء منطقة الرباطاب و آخرين بالسودان
ذكر رموز و أعيان و المدن و الأماكن و مواطن الحسن و الجمال، في أدب الرباطاب الشعبي بالسودان.
مدونة الدكتور/ ابراهيم عثمان سعيد عبد الحليم
مدونة عتمور عيال الوسطى في دار الرباطاب بالسودان
—————————————————————
نماذج قصائد لشعراء من دار الرباطاب و آخرين بالسودان1-17
—————————————————————
✳ غداً نعود ان شاء الله ✳
و كلو بمضي
و كلو بالأيام بروح
لا سعيد دامتلو فرحه
و لا حزين دايملو نوح
لاهيه بينا الدنيا لاعبه
فيها نتغرب نتوه
القلوب بالشوق تُحرَّق و الجروح تشفي الجروح
و كلو بمضي
و أيضا:
و الله وحدو بينا البارحونا و راحو
شالو من وادينا بهجتو و افراحو
بي الكتير ياحليلوم يا حليل الراحو
و طال نواك و انا قلبي باكي ليلو و صباحو
و في الضياع و الحسره السنين كم راحو
و راحت الافراح وقلبي عاش لي جراحو
مين يقول لي فؤادي روح زي راحو
الشاعر / د. علي شبيكة - رحمه الله -
—————————————————————
(1)
🔴 نحنا الرباطاب:
نحنا الساقيه نحنا الحلقه و التوريق
نحنا العطفه نحنا الدروه و الكوديق
نحنا الفوله نحنا التمره نحنا مريق
نحنا الصاقعه نحنا البي نفرج الضيق
بي نمد ايدنا للقاصد يجينا صديق
و القاصد الخصام لازم نحرقوا حريق
***
نحنا صفوف و نحنا كفوف
و واضحين كالقمر للعاقل البي يشوف
ما بنرجع ورا تب ما بنعرف الخوف
سم الساعه نحنا الطعنه جوه الجوف
في العتمور هناك أولاد دروع و سيوف
و في شاطئ البحر أسياد نخيل و جروف
***
نحنا تقانق الحوض الجبد واسوقو
نحنا الشوكه للداير يفوت بنعيقو
نحنا سنابل القمح الطبق ماروقو
نحنا الجدول الطامح هدر سبلوقو
—————————————————————
(2)
🔴 (شوق للبلد دار الرباطاب)
أشواقي لي بلدي الحبيبة ديمه العيون تفضحا
اشتقت للنيل و الضفاف و الجلسه في ضل الضحى
اشتقت لي بلدي الحنينه اشتقت قولة يمه يابه
حليل جلسة عشية العامرة بالناس الغلابه
......................
و أيضا :
🔴 (في الشريق)
ماذيني انا يا رفيق
ظبيا سكن الشريق
......................
و ايضا:
(في الشريق و عتمور)
شتيلة المشرق الفوق القيوف نديانا
و من بعدك حياة الكون على مسخانا
الشالو القطار ما اظن في يوم ينسانا
تبكيك الشريق عتمور عليك حزنانا
—————————————————————
(3)
🔴 (في عتمور)
يا عتمورنا أقولك بى أمانا
حبنا ليكي زي روحنا و جنانا
......................
و ايضا:
(في عتمور)
عصير المنقه و الانناس
عتمور نورت يا ناس
......................
و ايضا:
(في عتمور)
داير اشوف السوق الكبير و الدكاكين مضروبه جير
و حتى صالون الكوافير يبقى بي فوق الحفافير
......................
و ايضا:
(في عتمور )
اشوفن دقدقوا الأوتاد و سافل لى بناء الحداد
أشوف سينما أشوف استاد أشوف كمبونى والأحفاد
......................
و ايضا:
(في عتمور )
شدر البرتكان مايل فريعو متنا
ميل بالثمار سلب العقل هجولنا
أديتكم أمانه و قلت عاد يا أهلنا
داير وكت أموت أرقد قصاد ود جنا
(القصاد مشهد ود جنا بعتمور ساقية جدي الكدب)
—————————————————————
(4)
🔴 ( في الجزيرة مقرات)
أهل النيه يا بيضاء للنباري و السيال
حبيناكي يا مقرات من غريبا لى بربات
......................
مناي في قدله ان لقيتا من اللافاب لى كديته
......................
قلبا بالغرام محروق للسنده القصاد زروق
......................
و ايضا:
حليل الكان بضوي سمانا زولا سكنو السجانه
......................
و ايضا:
دي الهالكة البلد بي شوقا و مقرات تبكي لي زروقه
......................
و ايضا:
إنتي لاكي من السنجراب
و لاكي من صيد العلقماب
عيني شايفه و انا قلبي حاب
و ماني فايق للاسكراب
......................
و ايضا:
بنخلي البلد عارفين رزقنا على الله
قالو مشيت خليتا ليك يا بله (راس الجزيرة الجنوبي)
سولك فيها سينما و دار رياضة و سله
......................
و ايضا:
في راس الجزيرة الليله لى يومين
ضهبان و السؤال ناس النقر بى وين
خليتن زمان جوه الضلام ساكنين
اتاريهو الزرق و انا قايلو دا الكاملين
......................
و ايضا:
انتي الجمروه و وضعوهو في البترينه
زي نجف الحبش عينيكي يا وزينه
ايه غير الخدود جوه القليب ماذينه
لى غرب اب حمد مقرات خلاص نوينه
—————————————————————
(5)
🔴 (في الجزيرة ارتل )
يا ارتل هواكي ملاني لهيب الغربة جمرو شواني
وين ارتل نخيلا و نيلا مشتاق لى رمالا و ليلا
يا مولاي متين امشيلا أنسى الغربه و أنسى مقيلا
—————————————————————
(6)
🔴 (في المسلمية و طيبة و مدني)
من المسلمية طيبة راحت تدني
و السواق يقول لمتين اصل ود مدني
ود مدني جاتك يا عظيم يا سني
قول محفوظة عندنا ما بين الحفظ و الأمن
—————————————————————
(7)
🔴 (في بربر)
حسن الظباء فات الغزال الأسمر
فتان الشمال الاهلو من ناس بربر
......................
و أيضا للمقارنة:
داير أسيب بربر و الصحاب اعذروني انا عقلي غاب
الوداع يا هوى يا شباب ألف مرحب بيك يا عذاب
......................
و أيضا:
🔴(في بارا )
القديم متبور يا ظبية باره
ترد الروح لو تجيك في الداره
......................
و أيضا:
🔴 (في شندي دار جعل)
جدك ود سعد في دولة المهديه
بتار لى رؤوس الخونه و الهمجيه
و ناس المك نمر دابي و سكونه الليه
لى أهل الشقالوه نرسل البرقيه
للعمراب شعديناب مع العوضيه
نقول ليهم خلاص عوض الله ناوي الجيه
......................
و أيضا:
جلجل صوتو فوق العتامير شقه
نورك فوق زحل ختم الثريا و بقه
ساردية جعل للحارة بي تتلقه
خشم المدفع الفوق العوالي موقه
بجر النمه فوقكم و انتو بيها أحقه
يا الدهب الأصيل الما بيباع باللوقه
أشبال ود سعد كان للعوازل مله
بالسيف المبرقع بي يقابل الجله
واجب شكركم في يوم نحاسكم كله
يوم الخيل تصهل و السيوف تتسله
—————————————————————
(8)
🔴 (في البقعة ام درمان)
ام درمان سلام
يا العاصمة يا الفيكي راحة روحي
كم ساهر ليالي و كم شفيتي جروحي
—————————————————————
(9)
ما قدرت القعاد مشتاق و نشفان دمي
سهران الليالي و ديمه زائد همي
حبك زاد على حب ناس أبوي و امي
و لى اجلك قمت قاصد البقعة افرج همي
—————————————————————
(10)
يا امدر اسرني جمالك الحور و الحسان اترابك
مالك روحي اصلو شبابك حي الموردة و عمرابك
......................
و أيضا:
عاشق ديسك المردوف يا وارد جنائن اب روف
العاشق ليكي كلو يشوف بى يبرد حرارة الجوف
—————————————————————
(11)
🔴(في ام عقارب )
دويسة الفالق البرطن فروده
البشروط دوده بالشقين يحوده
تحت لى أم عقارب و فوق حدوده
أهل المملكة و العز جدوده
أبواتك تخوجل فوق عروضه
......................
و أيضا:
يا مرسالي قوم لى زولي قولو
كفاك الشفتو زي ما تقولو قولو
قولو الروح معاك بلا الجتة ايش فضلو
قولو قيد القدرة في رجلو انطبلو
قولو نشفان ريقو ما قادر يبلو
قولو أدوهو المويه قال لي شن أكلو
قولو اكسير ام عقارب قلعو كلو
و نبت عود الخراب قام في محلو
و البوم و الغراب قيل في ضلو
......................
و أيضا:
🔴(في البلد و السهني تسني)
حسين الحاج
شوف لي سبعين ايش حصلو
إن بقى غادي للسهني تصلو
وإن بقى فوق سرير النوم تدخلو
قدر ما يتعضرلك لا تقبلو
و مخسم بالله أوعك لا تخلو
و إن ما جبتو ما تجي كلو كلو
البشاره قال لي يوم الجمعه ادلو
البلد الخير و النعيم دابو راح يطلو
—————————————————————
(12)
🔴 ( في العبيداب - اولاد عبيد - جنة عبيد )
ديكا أولاد عبيد ساكنين حدانا
أهل الحوبه في ساعة قسانا
......................
و ايضا:
أشوف نورك شلع فوق للسحابه
من عمرابه لى عبد الله يابه
......................
و ايضا:
خلاص يا قيس كفاك من الغرام و الشوق
تسيب جنة عبيد بلد الجمال و الذوق
شتيلة فرهدت من غير سماد ماروق
ان ختوها في الماء العكر بى تروق
......................
و ايضا:
تسيب جنة عبيد بلد الحواريات
و زي خيل السبق وكتين يجن واردات
عيونن ختت اب عشره البلا نقشات
رقابن صيد هويد فوق العدو شارفات
التعليم وصل و تتقطع العلات
و الثانوية بي فوق للسلوماب جات
(السلوماب :بلد جدي طيب الأسماء ود الحاج بالعبيداب)
......................
و ايضا:
🔴 (في عتمور و العبيداب و كرقس)
نحنا عتامره نحنا كراقسه نحنا اماكا
نحنا أولاد عبيد و شمخة جبال التاكا
نحنا الملكه هيلنا و ما معانا شراكا
......................
و ايضا:
بدور شارع ظلط يربط قرانا
و الكاملين يكون في مستوانا
—————————————————————
(13)
🔴 (في كرقس)
طال بينا الغياب حلتنا يا حليلا
حبوب ود حسن قوماك عديلا
اوعا من العرق سارق و خد ميلا
......................
و صيدا في هواهو غروب
و اتجننت يا حبوب
......................
و ايضا:
كرقس يا مناظر يا جميله
و من زمنا قديم العزه هيله
فوق النيل صفوف شابك نخيله
و ما أحلى السمر ساعة مقيله
يغني القمري بي أصوات عسيله
كرقس سيدا فيها يقول حليله
—————————————————————
(14)
🔴(في امكي)
حرف الكاف دا متوسط حروفا
سعيد الدنيا يمشي "أمكي" و يطوفا
"أمكي" حنينة للأغراب ولوفا
و تضم الناس متال أما عطوفا
بريد أمكي و بريد نيلا و جروفا
و سمحة الموضة في دكان شروفا
(شروفا: الراحل شرف الدين ودعمر من تجارامكي.رحمه الله.
......................
و ايضا:
يا سائق يلا عجل بينا
دموع الشوق جرحت عينينا
بعد دا الحال العودة لى امكينا
طريتا شكير يا حليل بينينا
—————————————————————
(15)
🔴 (في امن و أبو سلم)
لولا الظروف حكمت علينا
يا الحبان ليكم ما نسينا
السلام يا أمن الامينا
لى اب سلم لى ناس الخزينا
......................
و ايضا:
🔴(في المزارع شرق و المكي ود عتمان)
رحمات الكريم تتوالى خير و احسان
فوق روح الزعيم المكى ود عثمان
داره تعج تفور مليانه بالضيفان
معروفه المزارع للكرم عنوان
🔴
(في ام ضحيان المصطفى المحجوب)
التلب اللزوم المصطفى المحجوب
فى سفر العظام بالنور سطع مكتوب
جودو عجاجه شايل ديمه رِيِحو هبوب
و ام ضحيان ركيزه بتسند المغلوب
—————————————————————
(16)
🔴(في ام غدي - عتمور شرق )
يا داخل ام غدي صلي على المختار
عينك بارده ما تكون حاسد او سحار
......................
و ايضا:
في وادي أم غدي الليله صاح البوم
خربانه العبوس الخاينه ما بتدوم
ارجعي يا نفس للواحد القيوم
ومهما الزول يكون راجيهو هذا اليوم
—————————————————————
(17)
🔴(في عطبرة محطة الوطن الكبير)
دي القدام و الجيل ورا
أجمل ملاك في أتبرا
......................
يا الداخلة أم الشهيد الليلة جينا سلام
يا بلد الكفاح كم زعزعت حكام
🔴 و أيضا و للمقارنة أبيات الشاعر السوداني الحاج عبد الرحمن نموذجا و منها:
لا عاش من ازدراك يا عطبرة:
أنا عطبرة ... يا عطبرة ... كم منك انبرى
سهم يجلجل صوته لا لن تباع و تشترى
لا نامت الجبناء لا عاش من بك ازدرى
......................
أنا عطبرة .. يا نعم عاصمة الحـــــــــــــديد
إن جاء زرعي عاصفاً تنمو الأزاهر من جديد
لن تجدب الأرض التي رويت بقطرات الجنود
انظر تري التاريخ يحضنني كرمز للخلـــــود
—————————————————————
و أيضا :
🔴(في الدامر - دامر المحءوب)
يابا الشيخ حمد يا ملجأ الأيتام
و تسمح بالمرور من دامرك قدام
......................
و أيضا للمقارنة:
يا دامر المجذوب
لا انت قرية تبدو بداوتها و لا انت بندر
......................
و أيضا للمقارنة ابيات الشاعر البروف/ عبد الله الطيب
الدامر فوق ذلك كله و دونها خرطوم و بارا و بربر
......................
🔴 و أيضا و للمقارنة أبيات الشاعر السوداني عكير الدامر نموذجا و منها::
مالِك نفسي مطعونه و تملي تنيني
مالك عيني للغميض أبيت تليني
عطشان ديمه كفح المويه ما برويني
كاتلاني الطريفيه البريدها قريني
......................
و أيضا :
أخدر ليه ضل فوقه المحاسن شرن
أفلج فاطره زي برق السواري الكرن
يتقسم مقاطع في المشي و يتحرن
زي فرخ القطا الأماته ركن و فرن
atmoorsudan.blogspot.com
—————————————————————
و أيضا:
🔴 للمقارنة غنى لام درمان من خارج المنطقة. أبيات الشاعر السوداني عمر البنا نموذجا و منها:
اشوف نعيم دنيتي وسعودا
إمتى ارجع لأمدر و أعودا
لي هون ياربي عودة
يا المن فراقك أيامي سودا
الشاعر / عمر البنا - رحمه الله -
......................
🔴 و أيضا للمقارنة ابيات الشاعر عبد المنعم عبد الحي
نار البعد و الغربة
شوق لأهلي و الصحبة
بين اليقظة و الاحلام
بين أجفان تقول للنام
اريت النوم يزورني اليوم
أنوم لو ليلة في كل عام
آهة بتطلع في دمع العين
و زفرة بتشعل أنفاسي
آه بتداوي فينا حنين
ولا الزفرة بتجيب ناسي
لو عبرة تزيل غصة
لو ذكرى تهدي حنان
لو إنسان صبح قصة
أنا القصة يا أم درمان
الشاعر / عبدالمنعم عبدالحي - رحمه الله -
......................
و أيضا:
🔴 وللمقارنة بين شعر الوصف عند شعراء الرباطاب و بين شعر الوصف عند الشعراء خارج المنطقة . أبيات الشاعر السوداني ود الرضي نموذجا و منها :
شالو حلوقن أدوهن قصيبات رقن
و شالو خدودن أدوهن ورود إتسقن
بدل عينيهن أدوهن كهارب بقن
و أنا ما أدونى من الريدة غير أتيقن
جن واردات و فجن قلبى شيشن شقن
أنا جنيت و كت نسام عطورن طقن
شافن حالى ضحكن قرقر و قعدن نقن
أرمى الدمعة فوق الدمعة و هن إتلقن
وين الطرفو ناعس و طرفى ليه محقن
وين الفاطرو فى شان خاطرو أموت واتلقن
الناس همها العيشة و طعام و دلقن
و أنا مكتول هوى المن حور الجنان إتنقن
" الشاعر السوداني ود الرضي "
—————————————————————
مدونة الدكتور/ ابراهيم عثمان سعيد عبد الحليم
الموقع الإلكتروني للمدونة :👇👇👇👇👇👇👇👇👇
atmoorsudan.blogspot.com
🔴قصائد لم تكتمل ... و فرحة لم تتم
الشوق و الحنين في مرافئ الغربة
د. ابراهيم عثمان سعيد عبد الحليم
( مقاطع من قصائد المرافئ 1 - 6 )
المنتدى العام
عن
مدونة عتمور عيال الوسطى
الأربعاء، 18 ديسمبر 2013
🔴(1) عتاب قلب:
خلاص يا قلبي اخترت تسيبه و تنسى ماضيه
و تنسى اللهفة و الأشواق تعيش في ظلمة ناسيه
حرام و الله تنساه و تنسى حنانه و أخلاقه
و تنسى الكان بعزك روح و تشهد ليك عويناته
و كل البينا كان هفوات تعود أيامنا تصفاله
atmoorsudan.blogspot.com
.......................
🔴(2) زمان و الله:
زمان و الله بي يفرّق و لمّن يقسو يقسو شديد
و من بعدك حرام و الله لا بنعشق و لا بنريد
atmoorsudan.blogspot.com
.....................
🔴(3) مظلومة:
مظلومة و عذاب الدنيا مكتوب ليك
صابرة وسارحة في دنياك و كل الناس تهاتي بيك
عزيزة و سمحة يا زينة و أمل دنيتنا كله عليك
حرام يا زينة تنظلمي و يبقى الحزن في خديك
ما إنتي الطيبة و الأخلاق و كل الناس بتشهد ليك
ما إنتي الريدة و الرقة و جمال بلدي المجسم فيك
صبرتي كتير على الحرمان و ياما الصبر بي يعزيك
كفاك عذاب ألم و أحزان و بكره الكون يزغرد ليك
وتعيشي الفرحة من تاني و أشوف البهجة في عينيك
atmoorsudan.blogspot.com
...........................
🔴(4) تاجوج:
إنتي زي تاجوج حكاية و صورة في أجمل معاني
ما كفاية علي عيونك و شامه فوق خديك تلالي
atmoorsudan.blogspot.com
........................
🔴(5) وداع كسلا التاكا:
كسلا التاكا فيها جمال رائعه بكل ما فيها
زينة و عظمة غرب القاش و سبحان ربي باريها
تجلت قدرة الرحمن في خدرة سواقيها
عشانك إنتي يا كسلا بحب الدنيا و الفيها
و بعشق للحلنقة هناك و للزول السكن فيها
و بشرب من مياه توتيل عشان أرجع و أعود ليها
زهرة جميلة ست الناس بسأل ربي يحميها
خلاص نقلوك جنوب الفونج و شلتي قلوبنا بالفيها
إيه معني الحياه بعدك و كيف نقدر نقاسيها
و مهما نظمت فيها قصيد محال بي شعري أوفيها
و يا رب عودة من تاني و أزور "كسلا" و ألاقيها
وداعا يا نبع توتيل كرم أدروب خريف تاكا و بواديها
وداعا ياجبل مكرام عُلا توتيل شموخ كسلا و روابيها
وداعا يا بديع كجراي حروف اسحق نغم ألحان شواديها
وداعا يا فراش القاش عطر فواح عصاريها و أماسيها
وداعا يا ديار تاجوج حكاوي الريد معاني الحب أغانيها
atmoorsudan.blogspot.com
......................
🔴(6) مقرن النيلين:
(بيني و بين الشاعر الأردني زميلي الاستاذاحمد صالح العتوم - اجتمعنا في احدى مرافئ الغربة بالديوان قبل سنوات)
" هذا ابن عثمان سن الجود أغنية "
هذا العتوم فاعط القوس باريها
" فإن الجود في السودان منبعه "
أنت الشريف ملك القوافي فمن يجاريها
و لولا الجود ما النيلين اقترنا
من للكنانة غير النيل ساقيها
بيني و بين تعاطي الشعر " أغنية"
جار الزمان و أيم الله ناسيها
أيا صاح جددت أياماً لنا سلفت
فمن لي بمقرن النيلين في الخرطوم "أغنيها"
* د. ابراهيم عثمان سعيد عبد الحليم
atmoorsudan.blogspot.com
✳ ✳ ✳ ✳ ✳✳✳✳✳✳✳✳✳✳✳
🔴 🔴 🔴 🔴 🔴 🔴 🔴 🔴 🔴 🔴 🔴 🔴 🔴 🔴
الموقع الإلكتروني:
لمدونة الدكتور/ابراهيم عثمان سعيد عبد الحليم
لمدونة /عتمور عيال الوسطى في دار الرباطاب بالسودان
..........................................👇👇 ............................
...............atmoorsudan.blogspot.com.........................
🔴 🔴 🔴 🔴 🔴 🔴 🔴 🔴 🔴 🔴 🔴 🔴 🔴
✳ ✳ ✳ ✳ ✳✳✳✳✳✳✳✳✳✳✳
-------------------------------------------------------------------------
ليست هناك تعليقات:
إرسال تعليق