عتمور، العبيداب، أمكي، و كرقس في أدب الرباطاب الشعبي بالسودان

عتمور، العبيداب، أمكي، و كرقس 
في أدب الرباطاب الشعبي بالسودان.
الإقتباس عن: 
ابراهيم عثمان سعيد عبد الحليم 
من الأدب الشعبي في منطقة الرباطاب بالسودان، دراسة تحليلية، فبراير 1989م. 
atmoorsudan.blogspot.com
تاريخ النشر :  الجمعة 20 نوفمبر 2015م

" و كلما تذكرت عتمور بلدي الحبيبة و التي قال فيها شاعر الرباطاب مصطفى الحاج موسى هذه الأبيات اقترنت ذكراها بتلك الأماكن و الجهات في دار الرباطاب بالسودان : 

انطلقت شراره و تاني ما بتقيف 
و في عتمور شلع برقا يتم الكيف
المدنية عمتنا و كمان تثقيف 
و الطير في سمانا الليله جر أليف
حمّر نيلنا و اتمسحت معالم القيف 
و أم درمان بقت بالنسبه لينا الريف 
نحنا أولاد ملوك أهل الدرع و السيف
نسابق يمين ساعة نشوف الضيف
نحنا أهل المكارم و الأصل و الطيبة 
إن شدينا فوق درب الله فوقنا الهيبه 
بنخوض أم لهيب ساعة يضوي لهيبه
نحنا الفي الحرب بنقيف رجال تاتيبه

و يقول في صلات الجوار الطيب بين الأهل في عتمور، و شاهد ذلك، عندما تأتي الشاعرة المجيدة ست النفر بنت الحاج من العبيداب؛ لقضاء موسم التمر مع أهلها و جيرانها في عتمور بدار الرباطاب، هذه الأبيات و منها:

سعيد الدنيا يسكن في قوارو 
يمر ساحاتو ود عرديب جوارو 
متمره جمبنا أم عبدو التقية 
و حليل ضحكاتا في ساعة العشية 

و هكذا أصالة و طيبة  أهلنا في عتمور و العبيداب ، و رعى الله تلك الأيام، و رحم الله الشاعرة أم عبدو ست النفر بنت الحاج.

فعتمور ذكراها مرتبطة دائما و أبدا بأهلنا في العبيداب و أمكي و كرقس بدار الرباطاب بمحافظة أبوحمد بولاية نهر النيل بالإقليم الشمالي بالسودان - صلات القربى و الحسب و النسب و الجوار الطيب - ...... و في الخاطر و على الدوام ذكريات و شوق و أمنيات - ليتها تتحقق بمشيئة الله - لأمكي و عتمور و العبيداب و كرقس ... و من منا لا يشتاق إلى تلك المرابع و الديار الخضراء الجميلة في دار الرباطاب بالسودان، و صادق التمنيات و الدعوات لأهلنا في تلك الديار الحبيبة بموفور الصحة و العافية لمن بقي منهم على قيد الحياة ... و الرحمة و المغفرة لمن رحل منهم عن دنيانا الفانية". 

و هكذا حال أهل تلك الديار، معا في السراء و الضراء، فهذا شاعر الرباطاب يقول في رثاء عمدة عمودية عتمور بدار الرباطاب: 

بكت عتمور قبال أمكي ما تبكيك
تمامة الشوره يا الكان اعتمادنا عليك

( و قال في بلدة أمكي"أم الكرام بلد الحضارة" شاعر عتمور و الرباطاب/ مصطفى الحاج موسى هذه الأبيات و منها :

حرف الكاف دا متوسط حروفا 
سعيد الدنيا يمشي "أمكي" و يطوفا
***
"أمكي" حنينة للأغراب ولوفا 
و تضم الناس متال أما عطوفا
بريد أمكي و بريد نيلا و جروفا
و سمحه الموضه في دكان "شروفا"
***
"أمكي" بقيتي للتعليم مناره 
يا أم الكرام بلد الحضاره
ديك "عتمور " شقيقة و في جواره 
و كذاب البقول بينكم ستاره
***
أشوف فيكي المكاتب و الإداره 
و ترفرف فوقا أعلام السفاره
و في "هنديه" أشوف طابق العماره
و المارسيدس أب عيناً شراره
و يقول في "أمكي / أبوديس" أيضاً:
يا سايق يلا عجّل بينا
دموع الشوق جرّحت عينينا
بعد دا الحال العوده لى "أمكينا" 
و طريتا "شكير" يا حليل "بينينا"
و عن أب ديس يقول: 
أنا عاشق رمال أب ديس
و في حبك بقيت زي قيس
بعد دا الحال تكون باريس
و شركة نور تكون في أب قيس
إلى أن يقول في أهلنا العبيداب بدار الرباطاب: 
ديك أولاد عبيد ساكنين حدانا
أهل الحوبة في ساعة قسانا
و يقول فيهم أهلنا العبيداب بدار الرباطاب أيضا:
أجاويد البلد في الدنيا مفهومين 
و المشبوكه بي يحلوها بي ياسين
و قالت فيهم أهلنا العبيداب بدار الرباطاب 
شاعرة عتمور المجيدة ست النفر بنت الحاج هذه الأبيات: 
الليلة أنا بجر قافكم سمح عاجباني 
جملة عيال عبيد ما فيكم الوراني 
( ينظر" د. عبد الله علي ابراهيم، من أدب الرباطاب الشعبي، 1967م)
و عند افتتاح مدرسة العبيداب الثانوية العامة بدار الرباطاب 
- مطلع السبعينيات - حيّاها الشاعر مصطفى الحاج بهذه الأبيات: 
سمحه المدرسة المبنية دابه
ساسا متين كمان طاهر ترابه
من زمنا قديم زمن الصحابه
انتو أهل القلم و أهل الكتابة 
أشوف نورك شلع فوق السحابة 
من عمرابه لى عبد الله يابه
الذوق و الأدب شيبا و شبابه
و كملتوا الشجاعه قفلتوا بابه 
مدرسة راقية قط ما بشوف نظيره 
نرحب بالأساتذه بي مديره
في كل البلاد تصبح شهيره
و يجونا الطلبة من بلدان كتيره
بعد الثانوي تاني تكون كبيره 
و تكون الجامعه بي قبل المغيره
نحمد ربنا النفض حياتنا
و شوف دي النعمه كيف جات لي بناتنا
و كل البي تجيك تجيك راطنا
و ما تعرف تكلم بي لغاتنا
بنتنا راقيه في الكليه دارسه
و انتي مأصله أجدادك عبابسه
ان بقى في القتال تلقاها فارسه
و داخل البرلمان تلقاها جالسه
و هذه الأبيات في أهلنا بكرقس بلد الأصالة لشاعر الرباطاب مصطفى الحاج موسى: 
كرقس انتي يا بلد الأصاله
بقت كل المدن تتمنى حاله
اهلك ناس عمل ما هم عطاله
تب ما اترقدوا و شالوا القواله
شبابا واعي يخدم بي بسالة
كرقس جنة و السمحات صفاته 
نعمه البدرت بلد الحراته
كرقس باينه وسط النيل حلاته
عروس الوقفه في وسط السباته
كرقس انتي يا بلد الأمانه
و حاشا و كلا ما شافت خيانه
كرقس ملكه واقف ديدبانه
و من بين المدن أخدت مكانه
كرقس يا مناظر يا جميله
و من زمنا قديم العزه هيله
فوق النيل صفوف شابك نخيله
و ما أحلى السمر ساعة مقيله
يغني القمري بي أصوات عسيله
كرقس سيدا فيها يقول حليله 

و تمنى الشاعر الكثير من الأمنيات لهذه القرى مجتمعة - عتمور، العبيداب، أمكي، و كرقس - و ليتها تحققت، و منها :

بدور شارع زلط يربط قرانا
و الكاملين يكون في مستوانا
و قال أيضا في قرى عتمور و العبيداب و أمكي و كرقس بدار الرباطاب مجتمعة هذه الأبيات: 
نحنا عتامره نحنا كراقسه نحنا أماكه
نحنا أولاد عبيد و شمخة جبال التاكه
نحنا الملكه هيلنا و ما معانا شراكه
نحنا اذا غضبنا امريكا جاها هلاكه

( ينظر: ابراهيم عثمان سعيد عبد الحليم، من الأدب الشعبي في منطقة الرباطاب بالسودان، دراسة تحليلية، فبراير 1989م ، وatmoorsudan.blogspot.com).

abdulhaleamibrahim@hotmail.com
و اما بقية قرى الرباطاب فاشار  د. علي ابوضاح الى قصيدة استاذ الجيل / السر الماحي في مجموعة منحنى النيل الثقافي بتاريخ ٨/١١/٢٠١٦  و اقتبس منها هذه الابيات و التي ذكر فيها العديد من قرى الرباطاب بمحلية ابوحمد بولاية نهر النيل بالاقليم الشمالي بالسودان:
سياحه مع الاستاذ السر الماحي 
في ربوع قرى الرباطاب
امكى الجبره والعز والجلال والهيبه
امكى رجال اشاوس والمعادن طيبه
امكى سدانه البيت الكبير بنى شيبه  
امكى ان شاء الله سالمه وديمه عامره وطيبه                   
 العتمور موشحه بالنواصى الغر
العتمور جواهر وفيها صافى الدر
العتمور كرم معدن مأصل حر
العتمور سند ساعة الليالى تزر  
 كرقس من قديم مالكه السياده وهيله
كرقس دوحه وارفه ظلاله مافى مثيله
كرقس مكمن الخير بى ترابه ونيله 
كرقس هيا قوم ياصاحبى عاد نمشيله.    
 مابنسى اب هشيم بلد الاصل والعز
بيهم بفتخر فوقن ببشر اهز
مرتع للضيوف وقداحه ديمه تنز
وايدا سامه عن ساعة اللطام بتجز             
 الباقير شموخ وعزا قديم ملموس
 الباقير محصن وبالاسود محروس
الباقير علم ماهو الخفى ومدسوس
الباقير فضائل ومكرمات متروس.    
فى الكربه الرجال اهل العلم والعرفه
ومن زمنا بعيد زرع الفضايل حرفه
ديل صندل اصيل ماهن لحايه وقرفه
للعشمان بصيره وللمحير صرفه.  
معروفه الجريف بين المناطق قامه
وفيها الجود مطوفن وللمكارم هامه
فى خد دار رباط زينه ومنوره شامه
لازم من نحيى رموزه ديك واعلامه.  
 من تفوت تتعدى ناس الزومه
ديل عدل الفضايل عندهم متمومه
كضاب البقول يوم بالغلط مليومه فيها 
ايادى صادقه بتنصر المظلومه.         
 الكودق رجالا كلهم اخيار
 الكودق يمين سيف النصر بتار
 الكودق عزيمه وعزه جاه ووقار 
الكودق مراجل فى الشدايد ونار         
كيف بنسى ام مريخ واهل الفضل والجود
ديل ناس المفاخر والعطاء الممدود
ديل قبلة عشمنا وكت نتوق وننود
مدخورين يحلو ويرقعوا المقدود.
معروفه ام ندى قبلة هوى العشام
فيها الصالحين واهل الكلام التام
ليها الناس تهاجر ومافى زول بنضام
وفى الخلوات هناك الناس تصوم العام.        
مرى ضارعا فوق وصفى وقصيدى ..ونمى
فيها الخير مطفح وبالدروب مترمى
فيها رجال يمين الزول يجيك متحمى
ياخد الفقره قبال من عدوه يسمى.  
 زمامه من المحاسن جمله ماخده نصيبه
 زمامه الضكره تب ماخداها كلها نيبه
 زمامه النور جلال عشقا قديم وحبيبه
 زمامه رجال رتوت حتى الثريا تجيبه.   
فى امن الامان سعد النفوس والراحه
وللخير كل زول ساعيلو كم طراحه
مهما اقول كلام وافرد له منى مساحه
هم فايتنو اكتر وفوقه زادوا فلاحه.   
الكرو للضعيف تايه ولقيمه وايد
الكرو  كيله وافر وديمه فوقه تزيد.
الكرو  للجميع بهجه ومسره وعيد
الكرو دار علم للصالحين ومسيد   
 شريق دبكه البشاشه وناس سترة الحال
شريق دبكه التجاره وتانى راس المال.
شريق دبكه المحنه الزايده والافضال
شريق دبكه العديل والزين وراحة البال 
عجل يالبيب لازم تقوم بى سرعه
تغشى الناس هناك تنزل تزور الترعه.
الحظ غير شك واتاها ماخده القرعه.
لى صيد المكارم باقيا شركه وشرعه.
نروح نغشى الجزيره ونشهد الاكرام
سلالة الاكرمين من شبوا هم كرام
عافوه البخل فوقن جزم ماحام
وكان قلنا الرجاله اساس وراس قدام
 مقرات نعمه من نعم الكريم موهوبه
 مقرات نار كرامه من الجدود مشبوبه
 مقرات خيمه للكرم الاصيل منصوبه
 مقرات سيره طيبه الناس بيتحكوبه.
عرج يالبيب واغشى..ام غدى..ماتفوت
ولاد عباس هناك كرما قديم مثبوت
جودا"من كريم جوه النفوس منحوت
نارا" موقده ديمه ان شاء الله تب ماتموت 
السنقير موكر فى قلوبنا مقيم
جودو وخيرو وافر ديمه نفعو عميم
فيه رجال تقابلك هاشه ساعة الليم
والواحد يتب عجلان وديمه هميم.  

شعر الاستاذ السر الماحي  
عن: د. علي ابو وضاح منحنى النيل الثقافي
سياحه شعريه في قري الرباطاب مع الاستاذ السر الماحي 
و اورد ابيات من هذه القصيدة ايضا : 
بدر الدين سليمان نقلا عن مجموعة الدائرة القومية الكبرى ابوحمد 

*ديل العزهم فوق الخلق مترامى.................ديل مصدر قصيدى وشعرى هم الهامى......................ديل عشقى السكن جواى قديم وغرامى...................ديل فى كل محفل صورتن قدامى.        
*ديل اهلى المتل عقد الجواهر  الاصلى...................ديل سندى وقفاى عزى وجوابى وفصلى...................فوق نيران هواهم من صغير مصلى....................ديل ارحام وديل حبل الموده ووصلى.                                
*من يوم ماوعيت وعرفت درب الهم.........لقيت ريدكم  ملك اعضايا واصبح دم................انظم يالسان جر القصيد والنم ............فوق دار ودرباط بالجملة جت من جم.                 
*الليله اللبيب حالف قراكى يسوقه..................والحب والسماح ينزل يعمر سوقه....................مكتول من زمان همت وصبحت عشوقه..................وغارت فى حشاى ضربت جوايا عروقه....                              *السنقير موكر فى قلوبنا مقيم....... .....جودو وخيرو وافر ديمه نفعو عميم............فيه رجال تقابلك هاشه ساعة الليم................ .والواحد يتب عجلان وديمه هميم.   
 *العقبه الصبر والفرسه باقى اساسه................وفى اليوم الكريه معروفه شدة باسه...................................كضاب البقول حدد حدوده وقاسه.................نستعزى ونبشر نحن فوق فراسه.          
*زمامه من المحاسن جمله ماخده نصيبه...................  *زمامه الضكره تب ماخداها كلها نيبه............... ...  *زمامه النور جلال عشقا قديم وحبيبه............... *زمامه رجال رتوت حتى الثريا تجيبه.                         *انزل يا لبيب فوق الزويره وزوره.................تلقى الناس تقابلك والوجوه مسروره..............من وكتا" قديم متحشمه ومستوره.......ابدا مابتقابلك نافره يوم ونكوره.                   
*احذر يا لبيب واوعك تفوت عبادى.............فيها رجال اسود حارسا الدرب والوادى..............فيها جنس كرم والله قط مو. عادى............ظاهر فى الوجوه باين عليهم وبادى.    
*سبنس للصلاح والتقوى مسكن وباب................  *سبنس  للمكارم والحكم اسباب.............. *سبنس دوحة وارفه وللصلح وجاب................ *سبنس كل زول من ناسا قولو صواب.                        
*من عند التكولى ولى ام سرح فد جره............فيها رجال تلوب فوق السهول منشره...............مرين فى الكماج ساعة الحبس والزره.............وجودن فات وطوفن ضمه طامح بره.            
*قنديسى الحنينه الطيبه دانيه قطوفه........... ......تجود من غير حساب بين البلاد موصوفه..................انزل يا لبيب سوح فى رحابه وطوفه............تلقى رجال موسمه للدواس مكلوفه.          
*الباقير شموخ وعزا قديم ملموس.................  *الباقير محصن وبالاسود محروس..................... *الباقير علم ماهو الخفى ومدسوس..............  *الباقير  فضائل ومكرمات متروس.                                *الكبانه غرفوا من المكارم وعبوا.................. .الكبانه من ضرع السماحه اتربوا...............الكبانه ساعة الحاره جت يتكبوا..............الكبانه ريحا" عاصفه عاد كان هبو.                  
*اراك الخير حبيبه وفى القرار ست شور.................عندها فى المحافل ديمه همه ودور...........فيها سيوف تجز الهامه تاخد القور..............وفيها رجال جزم للضيف تعقر التور.       
*احذر من تفوت تتعدى ناس الزومه...............ديل عدل الفضائل عندهم متمومه...........كضاب البقول يوم بالغلط مليومه................فيها ايادى صادقه بتنصر المظلومه.           
*ادخل فى الجزائر وابدا بى سرنات................شيخنا احمد محمد وبركة الدعوات.............مر بارتنسو روح من ام حجير كجرات..............تلقى كرم ضيافه وطيبه مابتتفات.          
*كان قلنا الغريب اياهو سيد الشكره........... ....فيهو رجال تلوب ليهم مجالس وحكره....................الواحد يهوش بالضيف وتاخده السكره............مابيضبح سخيل ينحر يجود بالبكره.      
*الكودق رجالا كلهم اخيار...............  *الكودق يمين سيف النصر بتار................ *الكودق عزيمه وعزه جاه ووقار................. *الكودق مراجل فى الشدايد ونار...                      
 *سام التوم هناك واب سول عليهم مر.............تلقى هناك رجال مسميه حاله يسر............تارسين المخازن بالتمر والبر...........باذلين الموده ومابيعرفو المر.             
*انزل فى الحويراب تلقى واجب الضيفه.........وكرما بى بشاشه كمان معاه حليفه................تامين الرجاله مكملين تصنيفه.......... ....حاتم طى زمان سووله تانى خليفه*
  *عجل يا لبيب لازم تقوم بى سرعه................تغشى الناس هناك تنزل تزور الترعه....................الحظ غير شك واتاها ماخده القرعه.....................لى صيد المكارم باقيا شركه وشرعه.     
 *ام مرردى العطوفه وحانيه ماها شحيحه...............فيها مساحه واسعه من الرجاله فسيحه..........فى دار ود شبكنا القعده سمحه مريحه.............وجودا اشد من مطر الضحى ام تلقيحه.      
*معروفه الجريف بين المناطق قامه.............وفيها الجود مطوفن وللمكارم هامه............فى خد دار رباط زينه ومنوره شامه................لازم من نحيى رموزه ديك واعلامه.      
*امكي الجبره والعز والجلال والهيبه.............  *امكي رجال اشاوس والمعادن طيبه............ *امكي سدانه البيت الكبير بنى شيبه.......  *امكي ان شاء الله سالمه وديمه عامره وطيبه.                                *العتمور موشحه بالنواصى الغر.... .. .....  *العتمور جواهر وفيها صافى الدر................  *العتمور كرم معدن ماصل حر.................  *العتمور سند ساعة الليالى تزر.                                      
*عبيداب غير شك مافيهم المزغول.............. *عبيداب  للحديث المسمى والمدلول................ *عبيداب  عزه مهما اقول عليهم اقول..............  *عبيداب شامخه فوق الناس مكانه وطول.              
*كرقس من قديم مالكه السياده وهيله................ *كرقس دوحه وارفه ظلاله مافى مثيله............ *كرقس مكمن الخير بى ترابه ونيله.........  *كرقس هيا قوم ياصاحبى عاد نمشيله.                            
*حجر المك فوارس مافى ليها رفيق.........حجر المك ......بحر فى الجود وميزه غريق............حجر المك رجالا تلفى ساعة الضيق...............ودايما فى الشدائد زاد وفكة ريق
 *فى امن الامان سعد النفوس والراحه.......وللخير كل زول ساعيلو كم طراحه................مهما اقول كلام وافرد له منى مساحه................هم فايتنو اكتر وفوقه زادوا فلاحه.           
*تعالو جميع نحيى اهلنا فى القرشاب...........صوتن عالى يهدر وبالخلوق رحاب.............مهما اقول كلام بلقاه فيهم اصاب...............سمحين الصفاة طيبه وكرم انساب*
  *امشى على اب سلم واغشاها حيى رجاله.......  ....من قولة سلام حالا يتبوا عجاله...............يفرحوا بيك يهوشوا وتعتريهم حاله...................وكان قلنا الفراسه ركوز يحاكو جباله*
 *كيف بنسى ام مريخ واهل الفضل والجود..................ديل ناس المفاخر والعطاء الممدود....................ديل قبلة عشمنا وكت نتوق وننود............................مدخورين يحلو ويرقعوا المقدود. 
 *ايدك يالزويره على المكارم حاقت..................فيك الناس تبايع والكفوف اتلاقت............دارك واسعه ابدا بالضيوف ماضاقت............وكل الناس تحن هيمانه ليك اشتاقت.       *التلب اللزوم المصطفى المحجوب...........فى سفر العظام بالنور سطع مكتوب........... ..جودو عجاجه شايل ديمه ريحه هبوب...................وام ضحيان ركيزه بتسند المغلوب*
  *مقرات نعمه من نعم الكريم موهوبه..................... *مقرات نار كرامه من الجدود مشبوبه................. *مقرات خيمه للكرم الاصيل منصوبه............  *مقرات سيره طيبه الناس بيتحكوبه..                          *الكرو للضعيف تايه ولقيمه وايد..................  *الكرو كيله وافر وديمه فوقه تزيد........... *الكرو للجميع بهجه ومسره وعيد............... *الكرو دار علم للصالحين ومسيد.                             
*غريب مقرات محصن وبالفضيله اتربا............شربان المكارم وانترس واتعبا............ليه الحق يفاخر وكل زول يتنبا...............فوق مجدا تليد قام اتربط فوق صبه*
 *ولاد ضيف الله فى غرب الجزيره عيون...................ولاد ضيف الله ديل سيف الدواس مسنون............ولاد ضيف الله در صافى ونقى ومكنون....................ولاد ضيف الله قدرها بالدهب موزون.                          *كديته من المكارم ماخده حظها وافى....................وليها سلام مربع وفوقه كم عوافى................ *كديته اصاله مو مغشوشه دمها صافى....................... ايدا تطول تسند الجاى طافش ولافى.                        *انزل فى الطوينه العامره بالصلاح....................ديل اهل العلوم والتقوى والاصلاح.............ديل نار الكرم موقوده للبياح.............ديل ناس ودقلوبه العلمه مو رحراح.      
*انزل يا لبيب واتوجه الشلال..............امانا جنس شهامه وامانا تلقى رجال.................دارعين الكرم لابسنو جبه وشال.................ومحموده الخصال متبوعه بالافعال.        
*اعبر النيل غرب واتوجه السلتيب.................تلقى وقار وهيبه وناس مقاشره العيب................مابلوكو الكلام  ويكترو القليب..........راكبين الخيول للحاره والجقليب.                
*برضك امش شمال واتوجه الشامخيه..............تلقى الزول تقيل ميزانه يعدل ميه....... ...... فقرا وناس صلاح يحجوا ويسدو الديه.............وبين الناس مشكره سيرتن مطريه.             
*العال للمكارم من قديم انحازت................العال خزنه حاوياها الفضايل وحازت...............فيها رجال هميمه وشيكه يوم  ما رازت................وفى كل المحافل والسباقات فازت.        
*العشكوت خصوصا ليها منى اشاده.....................فى الجود والكرم ما شفنا ليها نداده.....................عند ساعة الضيوف يجرى ويزيد عداده...............فى يوم اللطام للناس رسانه وقاده.     
*العسليه فى سافلنا باقيه مزاره...........وربنا من نعيمه يزيده يمحى اوزاره..............ديل اولاد عمر سند الصفوف وكباره ..........ديل ركازه للسودان عموم وحباره*  *قبل تانى شرق ياخ روح اب طين.........تلقى عزاز اكارم اهل امانه ودين.........يقابلو الضيف يبشروا فوقه بالسكين...............قبل مايتم سلامه عليه يرمو يمين..*
  *جد السير جنوب ياخلى روح الغابه...........تلقى رجال هناك غرسوا المكارم غابه...........سمحين الصفاة لابسين جلال ومهابه..............تخلى الزول يفاخر الناس ويتفاشابه*
  *سلام ناس الفداء الشامخين عيال منصور................شكركم عندى وافر مابتشيلو سطور.......................زولكم فى الشدايد من قديم مشكور..................وايدكم وافره ديمه تجبر المكسور*
*اسمك ياب حمد فوق راسنا نلبسه عمه..............ما انتى القياده ومركزك فى القمه..............مابتتوانى يوم الحاره عندك همه............فيك رجال يمين الواحد ايدو مسمه.                  
*دقش الجود سكن جوه البيوت اتحكر.........دقش الناس اصال مافيهم البتنكر..............دقش ارثا" قديم من الموده مسكر..................دقش للناس تصافى وكت تهيج تتعكر.                               
*التاج المرصع بالجواهر هيلك...........واتتى اياكى ساسنا وراسنا الله وكيلك...................قبلتنا وحرمنا نشد رحالنا نجيلك............واجبنا احترامك وكل رواد جيلك.  
*ميل يالبيب طوالى روح الكوع................ديل اهل الجناين والتمر مزروع..............ديل قوت الرجال ايام  مواسم الجوع..............ومن شبوا الكرم فيهم خلق مطبوع.          *فى قلقتى ناسا" ما اتبلت بالسوسه............ديل كل الفضايل عندهم مدسوسه ................الزول المودر يمشى جوه يكوسه.........  ..يلقى غفر هناك واقف لها ومحروسه.                          *رحمات الكريم تتوالى خير واحسان...........فوق روح الزعيم المكى ودعثمان.........داره تعج تفور مليانه بالضيفان..........معروفه المزارع للكرم عنوان*
*اغشاها الغويبه وفيها بيت يالراوى.............وماتنسى الاسود الصوتا يهدر وداوى..............صغيرن فى الفراش محسوب مكمل ساوى.............ديل قبال يجوك مارقين يجيك الخاوى   
*الهياله تلقى بحر فضايل وجم..................الهياله كلها خير يمين من جم..............فيها هناك رجال يتحدو بدر التم..........ينفقوا بى سخاوه وما بيعرفوا الكم.    
*نروح نغشى الجزيره ونشهد الاكرام.................سلالة الاكرمين من شبوا هم كرام...................عافوه البخل فوقن جزم ماحام............. .وكان قلنا الرجاله اساس وراس قدام.   
*عرج يالبيب واغشى..ام غدى..ماتفوت...............ولاد عباس هناك كرما قديم مثبوت..........جودا"من كريم جوه النفوس منحوت................نارا" موقده ديمه ان شاء الله تب ماتموت.                                
*بسوى رجاله ضمه حقيقه فايته الحد.....................ناسا كذا الاسود ساعة الدواس والجد................بسوى مناقب الخير فيها مابتتعد..................بسوى جوابه حاضر للبكوس الرد.     
*مري ضارعا فوق وصفي وقصيدى ..ونمى....................فيها الخير مطفح وبالدروب مترمي....................فيها رجال يمين الزول يجيك متحمي.................ياخد الفقره قبال من عدوه يسمي.    *مابنسى اب هشيم بلد الاصل والعز.................بيهم بفتخر فوقن ببشر اهز....................مرتع للضيوف وقداحه ديمه تنز.................وايدا سامه عن ساعة اللطام بتجز.                  
*مرو عراقه والتاريخ ياكد ذلك.................. *مرو منارة الليل والسواد الحالك............... *مرو دليل وخبره قديمه تهدى السالك...............  *مرو  عدوها قطعا ديمه خاسر وهالك.                        
*ارتل من زمان بين الخلق مذكوره.................فيها العز سطع نجمو ارتفع فوق دوره..............ابوالحسنين حليله الكان دليله ونوره..................خلد ذكرى طيبه وفى النفوس محفوره  
*انجرى غاليه جدا وليها الف سلام...........ربنا يحفظا ويرعاها ناسا ارحام.........انجرى ايدا لينه عطوفه بالعدام............وفيها رجال بتنفق وتكرم الايتام.        
*شريق دبكه البشاشه وناس سترة الحال...............شريق دبكه التجاره وتانى راس المال...............شريق دبكه المحنه الزايده والافضال....................شريق دبكه العديل والزين وراحة البال.                                   *الطرفايه دايما فوق لسانى بجيبه..............تعجبك وتنبسط لمان تشوف ترحيبه.............عندها شان مقدره لينا باقيه حبيبه...............مسميه ومشكره مافى زول بيعيبه.        
*معروفه ندي قبلة هوى العشام................فيها الصالحين واهل الكلام التام...................ليها الناس تهاجر ومافى زول بنضام.................وفى الخلوات هناك الناس تصوم العام.                                   
*انزل فى اب سلم تلقى اليزيد شامخين...................صامدين كالجبال قوه وفراسه ودين............ليهم فى الفعال الطيبه مافى ازين....................والتقى فوق وجوهم نور وليها يزين. 
*فى الكربه الرجال اهل العلم والعرفه...................ومن زمنا بعيد زرع الفضايل حرفه.................ديل صندل اصيل ماهن لحايه وقرفه................للعشمان بصيره وللمحير صرفه.                      *ديل اهلي العبيرن فى الافق فواح............وديل الكل زول لابس الفضيله وشاح..........ديل المجدهم فيه الخلق سواح............والجود المتسب حاشا مو رحراح.       

*وكت الصف يميل والنفس يتخمى..................وساعة الناس تضيق وريحة العرق تنشمى..........ديك الساعه شوف بحر التساب العمى.............ديل كل الكلام من عندهم بنتمى. 

دار الرباطاب بالسودان
الشاعر الكبير استاذ الجيل /السر الماحي سبنس /,الباقير
ينظر / مواقع و منتديات انترنت
الرباطاب
ديل العزهم فوق الخلق مترامى
ديل مصدر قصيدى وشعرى هم الهامى
ديل عشقى السكن جواى قديم وغرامى
ديل فى كل محفل صورتن قدامى

ديل اهلى المتل عقد الجواهر الاصلى
ديل سندى وقفاى عزى وجوابى وفصلى
فوق نيران هواهم من صغِير مصلى
ديل ارحام وديل حبل الموده ووصلى

من يوم ماوعيت وعرفت درب الهم
لقيت ريدكم ملك اعضايا واصبح دم
انظم يالسان جر القصيد والنم
فوق دار ودرباط بالحله جت من جم

الليله اللبيب حالف قراكى يسوقه
والحب والسماح ينزل يعمر سوقه
مكتول من زمان همت وصبحت عشوقه
وغارت فى حشاى ضربت جوايا عروقه

السنقير موكر فى قلوبنا مقيم
جودو وخيرو وافر ديمه نفعو عميم
فيه رجال تقابلك هاشه ساعة الليم
والواحد يتب عجلان وديمه هميم

العقبه الصبر والفرسه باقى اساسه
وفى اليوم الكريه معروفه شدة باسه
كضاب البقول حدد حدوده وقاسه
نستعزى ونبشر نحن فوق فراسه

زمامه من المحاسن جمله ماخده نصيبه
زمامه الضكره تب ماخداها كلها نيبه
زمامه النور جلال عشقا قديم وحبيبه
زمامه رجال رتوت حتى الثريا تجيبه

انزل يالبيب فوق الزويره وزوره
تلقى الناس تقابلك والوجوه مسروره
من وكتا" قديم متحشمه ومستوره
ابدا مابتقابلك نافره يوم ونكوره

احذر يالبيب واوعك تفوت عبادى
فيها رجال اسود حارسا الدرب والوادى
فيها جنس كرم والله قط مو. عادى
ظاهر فى الوجوه باين عليهم وبادى

سبنس للصَلاح والتقوى مسكن وباب
سبنس للمكارم والحكم اسباب
سبنس دوحة وارفه وللصلح وجاب
سبنس كل زول من ناسا قولو صواب

من عند التكولى ولى ام سرح فد جره
فيها رجال تلوب فوق السهول منشره
مرين فى الكماج ساعة الحبس والزره
وجودن فات وطوفن ضمه طامح بره

قنديسى الحنينه الطيبه دانيه قطوفه
تجود من غير حساب بين البلاد موصوفه
انزل ياللبيب سوح فى رحابه وطوفه
تلقى رجال موسمه للدواس مكلوفه

الباقير شموخ وعزا قديم ملموس
الباقير محصن وبالاسود محروس
الباقير علم ماهو الخفى ومدسوس
الباقير فضائل ومكرمات متروس

الكبانه غرفوا من المكارم وعبوا
الكبانه من ضرع السماحه اتربوا
الكبانه ساعة الحاره جت يتكبوا
الكبانه ريحا" عاصفه عاد كان هبو

اراك الخير حبيبه وفى القرار ست شور
عندها فى المحافل ديمه همه ودور
فيها سيوف تجز الهامه تاخد القور
وفيها رجال جزم للضيف تعقر التور

احذر من تفوت تتعدى ناس الزومه
ديل عدل الفضائل عندهم متمومه
كضاب البقول يوم بالغلط مليومه
فيها ايادى صادقه بتنصر المظلومه

ادخل فى الجزائر وابدا بى سرنات
شيخنا احمد محمد وبركة الدعوات
مر بالتنسو روح من ام حجير كجرات
تلقى كرم ضيافه وطيبه مابتتفات

كان قلنا الغريب اياهو سيد الشكره
فيهو رجال تلوب ليهم مجالس وحكره
الواحد يهوش بالضيف وتاخده السكره
مابيضبح سخيل ينحر يجود بالبكره

الكودق رجالا كلهم اخيار
الكودق يمين سيف النصر بتار
الكودق عزيمه وعزه جاه ووقار
الكودق مراجل فى الشدايد ونار

سام التوم هناك واب سول عليهم مر
تلقى هناك رجال مسميه حاله يسر
تارسين المخازن بالتمر والبر
باذلين الموده ومابيعرفو المر

انزل فى الحويراب تلقى واجب الضيفه
وكرما بى بشاشه كمان معاه حليفه
تامين الرجاله مكملين تصنيفه
حاتم طى زمان سووله تانى خليفه

عجل يالبيب لازم تقوم بى سرعه
تغشى الناس هناك تنزل تزور الترعه
الحظ غير شك واتاها ماخده القرعه
لى صيد المكارم باقيا شركه وشرعه

ام مرردى العطوفه وحانيه ماها شحيحه
فيها مساحه واسعه من الرجاله فسيحه
فى دار ود شبكنا القعده سمحه مريحه
وجودا اشد من مطر الضحى ام تلقيحه

معروفه الجريف بين المناطق قامه
وفيها الجود مطوفن وللمكارم هامه
فى خد دار رباط زينه ومنوره شامه
لازم من نحيى رموزه ديك واعلامه

امكى الجبره والعز والجلال والهيبه
امكى رجال اشاوس والمعادن طيبه
امكى سدانه البيت الكبير بنى شيبه
امكى ان شاء الله سالمه وديمه عامره وطيبه

العتمور موشحه بالنواصى الغر
العتمور جواهر وفيها صافى الدر
العتمور كرم معدن ماصل حر
العتمور سند ساعة الليالى تزر

عبيداب غير شك مافيهم المزغول
عبيداب للحديث المسمى والمدلول
عبيداب عزه مهما اقول عليهم اقول
عبيداب شامخه فوق الناس مكانه وطول

كرقس من قديم مالكه السياده وهيله
كرقس دوحه وارفه ظلاله مافى مثيله
كرقس مكمن الخير بى ترابه ونيله
كرقس هيا قوم ياصاحبى عاد نمشيله

حجر المك فوارس مافى ليها رفيق
حجر المك بحر .. فى الجود وميزه غريق
حجر المك رجالا تلفى ساعة الضيق
ودايما فى الشدايد زاد وفكة ريق

فى امن الامان سعد النفوس والراحه
وللخير كل زول ساعيلو كم طراحه
مهما اقول كلام وافرد له منى مساحه
هم فايتنو اكتر وفوقه زادوا فلاحه

تعالو جميع نحيى اهلنا فى القرشاب
صوتن عالى يهدر وبالخلوق رحاب
مهما اقول كلام بلقاه فيهم اصاب
سمحين الصفاة طيبه وكرم انساب

امشى على اب سلم واغشاها حيى رجاله
من قولة سلام حالا يتبوا عجاله
يفرحوا بيك يهوشوا وتعتريهم حاله
وكان قلنا الفراسه ركوز يحاكو جباله

كيف بنسى ام مريخ واهل الفضل والجود
ديل ناس المفاخر والعطاء الممدود
ديل قبلة عشمنا وكت نتوق وننود
مدخورين يحلو ويرقعوا المقدود

ايدك يالزويره على المكارم حاقت
فيك الناس تبايع والكفوف اتلاقت
دارك واسعه ابدا بالضيوف ماضاقت
وكل الناس تحن هيمانه ليك اشتاقت

التلب اللزوم المصطفى المحجوب
فى سفر العظام بالنور سطع مكتوب
جودو عجاجه شايل ديمه رِيِحو هبوب
وام ضحيان ركيزه بتسند المغلوب

مقرات نعمه من نعم الكريم موهوبه
مقرات نار كرامه من الجدود مشبوبه
مقرات خيمه للكرم الاصيل منصوبه
مقرات سيره طيبه الناس بيتحكوبه

الكرو للضعيف تايه ولقيمه وايد
الكرو كيله وافر وديمه فوقه تزيد
الكرو للجميع بهجه ومسره وعيد
الكرو دار علم للصالحين ومسيد

غريب مقرات محصن وبالفضيله اتربا
شربان المكارم وانترس واتعبا
ليه الحق يفاخر وكل زول يتنبا
فوق مجدا تليد قام اتربط فوق صبه

ولاد ضيف الله فى غرب الجزيره عيون
ولاد ضيف الله ديل سيف الدواس مسنون
ولاد ضيف الله در صافى ونقى ومكنون
ولاد ضيف الله قدرها بالدهب موزون

كديته من المكارم ماخده حظها وافى
وليها سلام مربع وفوقه كم عوافى
كديته اصاله مو مغشوشه دمها صافى
ايدا تطول تسند الجاى طافش ولافى

انزل فى الطوينه العامره بالصلاح
ديل اهل العلوم والتقوى والاصلاح
ديل نار الكرم موقوده للبياح
ديل ناس ودقلوبه العلمه مو رحراح

انزل يالبيب واتوجه الشلال
امانا جنس شهامه وامانا تلقى رجال
دارعين الكرم لابسنو جبه وشال
ومحموده الخصال متبوعه بالافعال

اعبر النيل غرب واتوجه السلتيب
تلقى وقار وهيبه وناس مقاشره العيب
مابلوكو الكلام ويكترو القِلِيب
راكبين الخيول للحاره والجقليب

برضك امش شمال واتوجه الشامخيه
تلقى الزول تقيل ميزانه يعدل ميه
فقرا وناس صلاح يحجوا ويسدو الديه
وبين الناس مشكره سيرتن مطرِيه

العال للمكارم من قديم انحازت
العال خزنه حاوياها الفضايل وحازت
فيها رجال هميمه وشيكه يوم ما رازت
وفى كل المحافل والسباقات فازت

العشكوت خصوصا ليها منى اشاده
فى الجود والكرم ما شفنا ليها نداده
عند ساعة الضيوف يجرى ويزيد عداده
فى يوم اللطام للناس رسانه وقاده

العسليه فى سافلنا باقيه مزاره
وربنا من نعيمه يزيده يمحى اوزاره
ديل اولاد عمر سند الصفوف وكباره
ديل ركازه للسودان عموم وحباره

قبل تانى شرِق ياخي روح اب طين
تلقى عزاز اكارم اهل امانه ودين
يقابلو الضيف يبشروا فوقه بالسكين
قبل مايتم سلامه عليه يرمو يمين

جد السير جنوب يا خِلى روح الغابه
تلقى رجال هناك غرسوا المكارم غابه
سمحين الصفاة لابسين جلال ومهابه
تخلى الزول يفاخر الناس ويتفاشابه

سلام ناس الفداء الشامخين عيال منصور
شكركم عندى وافر مابتشيلو سطور
زولكم فى الشدايد من قديم مشكور
وايدكم وافره ديمه تجبر المكسور

إسمك ي أب حمد فوق راسنا نلبسه عمه
ما انتى القياده ومركزك فى القمه
مابتتوانى يوم الحاره عندك همه
فيك رجال يمين الواحد ايدو مسمه

التاج المرصع بالجواهر هيلك
وانتى اياكى ساسنا وراسنا الله وكيلك
قبلتنا وحرمنا نشد رحالنا نجيلك
واجبنا احترامك وكل رواد جيلك

دقش الجود سكن جوه البيوت اتحكر
دقش الناس اصال مافيهم البتنكر
دقش ارثا" قديم من الموده مسكر
دقش للناس تصافى وكت تهيج تتعكر

ميل يالبيب طوالى روح الكوع
ديل اهل الجناين والتمر مزروع
ديل قوت الرجال ايام مواسم الجوع
ومن شبوا الكرم فيهم خلق مطبوع

فى قلقتى ناسا" ما اتبلت بالسوسه
ديل كل الفضايل عندهم مدسوسه
الزول المودر يمشى جوه يكوسه
يلقى غفر هناك واقف لها ومحروسه

رحمات الكريم تتوالى خير واحسان
فوق روح الزعيم المكى ودعثمان
داره تعج تفور مليانه بالضيفان
معروفه المزارع للكرم عنوان

اغشاها الغويبه وفيها بِيت يالراوى
وماتنسى الاسود الصوتا يهدر داوى
صغيرن فى الفراش محسوب مكمل ساوى
ديل قبال يجوك مارقين يجيك الخاوى

الهياله تلقى بحر فضايل وجم
الهياله كلها خير يمين من جم
فيها هناك رجال يتحدو بدر التم
ينفقوا بى سخاوه وما بيعرفوا الكم

نروح نغشى الجزيره ونشهد الاكرام
سلالة الاكرمين من شبوا هم كرام
عافوه البخل فوقن جزم ماحام
وكان قلنا الرجاله اساس وراس قدام

عرِج ياللبيب واغشى ام غدى ماتفوت
ولاد عباس هناك كرما قديم مثبوت
جودا"من كريم جوه النفوس منحوت
نارا" موقده ديمه ان شاء الله تب ماتموت

بسوى رجاله ضمه حقيقه فايته الحد
ناسا كذا الاسود ساعة الدواس والجد
بسوى مناقب الخير فيها مابتتعد
بسوى جوابه حاضر للبكوس الرد

مرى ضارعا فوق وصفي وقصيدى ونمى
فيها الخير مطفح وبالدروب مترمى
فيها رجال يمين الزول يجيك متحمى
ياخد الفقره قبال من عدوه يسمى

مابنسى اب هشيم بلد الاصل والعز
بيهم بفتخر فوقن ببشر اهز
مرتع للضيوف وقداحه ديمه تنز
وايدا سامه عن ساعة اللطام بتجز

مرو عراقه والتاريخ ياكد ذلك
مرو منارة الليل والسواد الحالك
مرو دليل وخبره قديمه تهدى السالك
مرو عدوها قطعا ديمه خاسر وهالك

ارتل من زمان بين الخلق مذكوره
فيها العز سطع نجمو ارتفع فوق دوره
ابوالحسنين حليله الكان دليله ونوره
خلد ذكرى طيبه وفى النفوس محفوره

انجرى غاليه جدا وليها ال سلام
ربنا يحفظا ويرعاها ناسا ارحام
انجرى ايدا ليننه عطوفه بالعدام
وفيها رجال بتنفق وتكرم الايتام

شريق دبكه البشاشه وناس سترة الحال
شريق دبكه التجاره وتانى راس المال
شريق دبكه المحنه الزايده والافضال
شريق دبكه العديل والزين وراحة البال

الطرفايه دايما فوق لسانى بجيبه
تعجبك وتنبسط لمان تشوف ترحيبه
عندها شان مقدره لينا باقيه حبيبه
مسميه ومشكره مافى زول بيعيبه

معروفه ام ندى قبلة هوى العشام
فيها الصالحين واهل الكلام التام
ليها الناس تهاجر ومافى زول بنضام
وفى الخلوات هناك الناس تصوم العام

انزل فى اب سلم تلقى اليزيد شامخين
صامدين كالجبال قوه وفراسه ودين
ليهم فى الفعال الطيبه مافى ازين
والتقى فوق وجوهم نور وليها يزين

فى الكربه الرجال اهل العلم والعرفه
ومن زمنا بعيد زرع الفضايل حرفه
ديل صندل اصيل ماهن لحايه وقرفه
للعشمان بصيره وللمحير صرفه

ديل اهلى العبيرن فى الافق فواح
وديل الكل زول لابس الفضيله وشاح
ديل المجدهم فيه الخلق سواح
والجود المتسب حاشا مو رحراح

وكت الصف يميل والنفس يتخمى
وساعة الناس تضيق وريحة العرق تنشمى
ديك الساعه شوف بحر التساب العمى
ديل كل الكلام من عندهم بنتمى
قصيدة دار الرباطاب :

الشاعر الكبير استاذ الجيل السر الماحي
سبنس / الباقير / دار الرباطاب / السودان
ينظر : مواقع و منتديات انترنت
ابراهيم عثمان سعيد عبد الحليم

atmoorsudan.blogspot.com

abdulhaleamibrahim@hotmail.com