......................بسم الله الرحمن الرحيم.....................
مدونة عتمور عيال الوسطى في دار الرباطاب بالسودان
السلسلة التوثيقية - اخبار مناسبات اجتماعيات
atmoorsudan.blogspot.com
✳ ✳ ✳ ✳ ✳ ✳✳✳✳✳✳✳✳✳✳
————————————————————
🔴مسدار حب لعتمور بدار الرباطاب بالسودان🔴
🔴 نظم عاشق عتمور 🔴
🔴 أستاذ الاجيال 🔴
🔴 المغيرة التجاني علي عبد الرحمن🔴
من ابناء الخلوة ام راو بعتمور محلية ابو حمد نهر النيل
🔴مقيم حاليا في الطائف بالسعودية 🔴
✳ ✳ ✳ ✳ ✳ ✳✳✳✳✳✳✳✳✳✳
————————————————————
(( 🌴مسدار حب لعتمور🌴 ))
نظم 🪶💜 المغيرة التجاني علي
عتمور ي حنينة
ي جنة لقانا
كلما تغيب عيونك
نطراك في غنانا
فيك مصدر فرحنا
يا غيمة في سمانا
حافظين نحن ريدك
و ذكراك يوت معانا
ي روح القصائد
ي شوقنا و منانا
مشتاقين لقاكي
بيهو يتم هنانا
🌴🌷🌴
في الحفافير بنسعد
وما بنطيق بعاد
باقي هواكي فينا
زاده البين و زاد
شلناك في رحالنا
وحافظين للوداد
تشرق شمس حسنك
من قبل المعاد
🌴🌷🌴
بان و ظهر نخيله
و ديك الكركراب
الشوق ساقنا ليها
و فيها لقانا طاب
الليل فيها روعه
نسيم نواره هاب
كوخ سعد الطفولة
و احلام الشباب
🌴🌷🌴
الصالحاب دي روضة
من جنات بلال
ما أجمل حقولك
والموج و الظلال
كلما غني طيرك
غصنك ليهو مال
الاحلام جميلة
الرؤي والخيال
🌴🌷🌴
الكوليب جميلة
ذكراك في القلوب
القمري البقوقي
و الظبي اللعوب
النواره فائح
من شتل الدروب
هب عليل نسيمها
و نسام الغروب
🌴🌷🌴
ما اجمل لقانا
و الليل في المسيد
مشتول في ضفافه
شوق وحنان و ريد
تبقي اللمة فرحة
وكل دنيانا عيد
الترحاب شعارك
وعز في ديار سعيد
🌴🌷🌴
للعباسي ذكري
جميل حالي و طروب
نسائم الجرف عابقه
تعطر في الدروب
طريت سجع القماري
و نقرات في القلوب
غرق في شوقي ليها
و كيف أقدر أتوب
🌴🌷🌴
الاقروساب حبابه
فيها أولاد بخيت
فيك ذكري و خواطر
طاريك ما سليت
في كنف المحبه
يحلالنا المبيت
عطر الطيبه غامر
يفوح من كل بيت
🌴🌷🌴
الغولة الحنينة
يا رمز الأمان
الكرم المؤصل
ظاهر للعيان
و العطر المدفق
من طيب المكان
يا حقل العواطف
رويان بالحنان
🌴🌷🌴
ما أروع لقاكي
بعد طول الغياب
طل البدر ناير
يوم فج السحاب
طريت أيام جميلة
وأحلام الشباب
كم تاقت قلوبنا
لدار البشتناب
🌴🌷🌴
المسلاب دي جنة
زي روح القصيدة
وللطاحونة ذكري
في أيام مجيدة
فيها جنينة عامرة
بثمارها العديدة
بنسعد في رحابه
ديار سعدة السعيدة
🌴🌷🌴
نواة هاج حنينه
وين ريحة التراب
دي العشرة النبيلة
و الرضي والصحاب
يا روعة لقانا
و كم نسامنا هاب
صحي الذكري نغمك
بكاي زي رباب
🌴🌷🌴
الشريشاب مكارم
في عقولنا و حجانا
فيك كل السعادة
عشناها في منانا
أحلامنا الصغيرة
كبرت زي رؤانا
نهر الخوة صافي
من الطيب روانا
🌴🌷🌴
كاتم أشواقي ليكي
و مابقدر أقوله
يا مرتع صبانا
ويا حلم الطفولة
فيك طيب المآثر
و أحلامنا الخجولة
أشعل نار وجدي
نسام الزغولة
🌴🌷🌴
دي بهوية الجميلة
تزدان بالفخار
الضاويات خدودك
زي وهج النهار
هادية وديعة نادية
درة وسط خدار
ديل نخلات جداولك
عامرات بالثمار
🌴🌷🌴
ود قرقس طريتها
الدرة المصونة
غالية تفيض مودة
الطيبة و حنونه
في جروفه النضيرة
كم ظاهرات فنونة
شلالات عواطف
و الشوق في عيونه
🌴🌷🌴
الكرشواب صباحك
يا أجمل بطاح
من طرف الجداول
وردك عبقه فاح
أنسامك تعطر
كم تشفي الجراح
و العصفور يغرد
في أجمل صباح
🌴🌷🌴
السعداب جمالك
فائض من عيونك
الليل بي نجومة
و انا عاشق فنونك
فيك الطير يغرد
و مياسات غصونك
الشوق في رحابك
كيف أحياه دونك
🌴🌷🌴
الخلوة الحبيبة
روضة وأحلي جنة
متجاورات بيوتك
عامرات بالمحنة
مشتاق بس اشوفك
و لو في الدهر فنا
تثمر في شتولك
كل طيبة أهلنا
🌴🌷🌴
ليك في القلب ذكري
وريده أكيد شديدة
برسل شوقي ضافي
و كل اشواق جديدة
فيك دفنا شوقنا
وأحلامنا السعيدة
الجواميس في غنانا
و الأشواق قصيدة
🌴🌷🌴
سجعت بالحنين
في الأصباح حمامه
و فوق هام النخيل
سابحات كم غمامه
شراع أبيض جميل
وسط النيل علامة
وبانت أم غدي
زي في الخد شامة
🌴🌷🌴
كم في سام حميدة
لي تذكار و شوق
ود فرنيب قباله
و نسام الشروق
الجرف المخدر
و الغيم والبروق
اللقياء الحميمة
جلسة و ريد وذوق
🌴🌷🌴
في النوم جانا طيفك
ليل وخدار و نيل
يا الدرة العزيزة
يام أصلا نبيل
كلما هب طيبك
والنسام العليل
ما أجمل ظلالك
الدياييب في المقيل
🌴🌷🌴
حسنها في نضاره
الرؤي و الخيال
في أحضان نخيلها
و السحر الحلال
الموج في ضفافها
و تكسوها الظلال
قوي في توب نضاره
آية من الجمال
🌴🌷🌴
ياما بلدنا عامر
ورب الكون يصونه
الأنغام طروبه
و القمري في غصونه
كلما غني شادي
تزهو تزيد فنونه
الظبي الموالف
في قوار سكونه
🌴🌷🌴
التويراب جميلة
يا روعة ضفافك
يا نايرة و جميلة
في أثواب زفافك
تسعدي بي نضارك
مزهوة بعفافك
قلبي أنا من سعادتو
طربان لما شافك
🌴🌷🌴
البديوين أصالة
و الخير كم وفير
مكتوب لينا ريدك
مرسوم في الضمير
محروسة بنخيلك
في الوادي النضير
عطشان لي جداولك
و الريد ليك كتير
🌴🌷🌴
ياما رعيتو عهدك
و في التاريخ مسافر
عاشق لون رمالك
و القمر المساهر
و الصيد من رباكي
طلع الوادي سادر
المروة الحضارة
فائح طيبها غامر
🌴🌷🌴
سارحين في جمالك
سايرين بالدروب
يا معني القصائد
لحن الشوق طروب
شلناك دعوة صادقة
عامرات في القلوب
جاتنا من السنيبلة
نسمات الجنوب
🌴🌷🌴
عتمور في غنانا
والأشواق تنادي
الأطيار تغني
روح فنان و شادي
الحب ليك صافي
في عينينا بادي
العابداب نضارة
و الليل طيبو نادي
🌴🌷🌴
الأيام بتصفو
و الأنسام حدانا
البسم البضوي
أيقونة زمانه
ي طيبة وحنونه
شلناك في غنانا
سمحة أصيلة نادرة
ديك بانت كدانه
🌴🌷🌴
كيف ننسي الزمارنه
كيف بنطيق بعادك
تنعمي بي ثمارك
و اشراقات ولادك
ما أطيب جناينك
ما أنعم وهادك
كم تسعد قلوبنا
لم يتم مرادك
🌴🌷🌴
يا حدود المحنة
يا سيد المقام
دعوات من قلوبنا
للراقدين سلام
يغشاهم يبلل
ماغني الحمام
الدومات وداعا
تسليم واحترام
🌴🌷🌴
✳ ✳ ✳ ✳ ✳ ✳✳✳✳✳✳✳✳✳✳
————————————————————
ابراهيم عثمان سعيد عبد الحليم
مدونة عتمور الإلكترونية السودانية
—————————————————————
🔴 الموقع الإلكتروني للدخول مباشرة للمدونة 🔴
اضغط هنا
....................................👇👇 ...........................
............... .atmoorsudan.blogspot.com.............
✳ ✳ ✳ ✳ ✳ ✳✳✳✳✳✳✳✳✳✳
—————————————————————
المصدر:
الموقع الالكتروني مجموعة واتساب
صندوق دعم شباب عتمور الخيري
عتمور دار الرباطاب محلية ابو حمد ولاية نهر النيل
✳ ✳ ✳ ✳ ✳ ✳✳✳✳✳✳✳✳✳✳
—————————————————————
............... .atmoorsudan.blogspot.com.............
✳ ✳ ✳ ✳ ✳ ✳✳✳✳✳✳✳✳✳✳
ليست هناك تعليقات:
إرسال تعليق